Eimreiðin - 01.10.1930, Blaðsíða 92

396
DR. ANNIE BESANT
EIMREIÐIN
Næsla skref hennar var að snúa sér að skólamálunum.
Kom hún því til leiðar, að skipuð var nefnd merkra manna,
til að sjá um, að námið væri bygt upp á þjóðlegum grund-
velli. Mörg hundruð indverskra skóla tóku upp þá reglu, að
tilhlutan hennar, að trúarbragðakensla var tekin upp í skól-
unum. í þeim skólum, sem hún setti á stofn, var fyrirkomu-
lagið þannig, að þar sem nemendur af ýmsum trúarbrögðum
voru í sama skóla, fékk hver flokkur tilsögn í sinni trú. Skift-
ast svo þessir námsflokkar á að fara með hinar helgu bænir
við morgunsöng, en hinir hlusta á með lotningu. Reynslan
hefur sýnt, að þessi aðferð hefur holl áhrif bæði á nemendur
og kennara, og segja þeir, sem kunnugir eru, að þetta, fremur
en margt annað, hafi stuðlað að góðu samkomulagi meðal
hinna mörgu trúflokka á Indlandi.
Benaresháskólinn, sem hún setti á stofn, var bygður fyrir
gjafir víðsvegar af landinu. Hann er nú helgidómur þjóðar-
innar. Árið 1922 var Annie Besant gerð að heiðursdoktor
við háskólann >vegna óviðjafnanlegs starfs, sem hún hefur af
hendi leyst í þarfir indverskra skólamála*.
Endurreisnarstarfi hennar var tekið fagnandi af indversku
þjóðinni. — Sérstaklega voru indverskar konur henni þakk-
látar, því eftir því sem þjóðlegri menningu hnignaði, varð
meira ósamræmi milli heimilanna og Evrópu-mentaðra hús-
feðra. Margir mikilsmetnir menn hafa nú viðurkent, hve mik-
inn þátt dr. Annie Besant hafi átt í vakningu indversku
þjóðarinnar.
Það var ekki fyr en 1913, að Annie Besant sneri sér að
stjórnmálunum. Byrjaði hún á að halda röð fyrirlestra, sem
hún nefndi »Wake up India!« (Vaknaðu Indland!). Voru þeir
prentaðir og þeim dreift út um alt Indland. Árið eftir stofnaði
hún blaðið »The CommonweaU, sem hefur á stefnuskrá sinni
þjóðarmentun, trúarbragðafrelsi, samfélagsumbætur, stjórnarbót.
Sama árið fór af stokkunum annað blað: »New India« og
var heróp þess Swaraj (heimastjórn). Flugritum rigndi nú yfir
Iandið. Blöð voru stofnuð í mörgum héruðum landsins. Al-
staðar kvað við sama herópið.
Gandhi sagði um dr. Besant: »Hún hefur gert Swaraj að
»mantram« (kraftaþulu) í hverju koti«.