Uppeldi og menntun - 01.01.2001, Síða 125

ROBERT BERMAN o.fl.
stæðari en pilta miðað við frammistöðu kynjanna í ensku í grunnskóla. Frekari rann-
sókna er þörf til að fá skýrari mynd af kynjamun í ensku í framhaldsskóla.
Brottfall nemenda í framhaldsskólum er hátt (Jón Torfi Jónasson og Kristjana
Stella Blöndal 2001). Ástæður þess eru eflaust margar. Út frá gögnum rannsóknar-
innar var hægt að ráða í námsferil nemenda í framhaldsskóla. Stærsti hluti nemenda
á öðru ári eða um 70% þeirra hefur unnið til einingafjölda sem samsvarar eins árs
framhaldsskólanámi. Á fjórða ári hefur um helmingur nemenda unnið til eininga
sem samsvarar þriggja ára námi. Það er því ljóst að nokkuð stór hluti nemenda tek-
ur sér lengri tíma í framhaldsskólanám en formlegar kröfur gera ráð fyrir. Þessum
nemendum fjölgar eftir því sem líður á framhaldsskólagönguna. Ekki er hægt að
svara því út frá gögnum rannsóknarinnar hvaða ástæður liggja hér að baki. Þó má
gera ráð fyrir að hluti þess nemendahóps, sem tekur sér lengri tíma í námið en form-
legar kröfur gera ráð fyrir (fjögur ár á bóknámsbrautum), eigi erfitt með að uppfylla
námskröfur á framhaldsskólastigi. Þá má einnig gera ráð fyrir að önnur iðja nem-
enda en nám, eins og til dæmis launuð vinna með námi, valdi því að framhalds-
skólanám þeirra tekur lengri tíma en formleg lengd námsins gefur tilefni til. Um
þetta er þó ekkert hægt að fullyrða án frekari gagnasöfnunar.
Niðurstöður úr rannsókninni vekja ýmsar spurningar í tengslum við nám og
kennslu í framhaldsskóla. Áhugavert er að skoða nánar áherslur og fyrirkomulag
enskukennslu en ekki síður hvort niðurstöður þessarar rannsóknar eigi að einhverju
leyti við aðrar námsgreinar sem kenndar eru í framhaldsskóla. I þessari grein hefur
eingöngu verið skýrt frá áhrifum nokkurra þátta á heildarárangur í ensku. Hugsan-
legt er að áhrif einstakra þátta séu breytileg eftir námsþáttum í ensku. Þannig gætu
áhrif skóla vegið þyngra í námsþáttum eins og stafsetningu eða orðaforða en verið
léttvægari í námsþætti á borð við hlustun. Jafnframt er áhugavert að athuga nánar
hvort þættir utan skóla, eins og til dæmis lestur á enskum texta utan skóla, hafi
meiri áhrif á enskan orðaforða nemenda en færni þeirra í stafsetningu og ritun á
ensku.
Aftanmálsgrein
Rannsóknin var unnin af Rannsóknastofnun uppeldis- og menntamála fyrir mennta-
málaráðuneytið. Rannsóknin var fjármögnuð af menntamálaráðuneytinu.
Fyrirspurnum vegna greinarinnar og óskum um sérprent skal beina til höfunda:
Robert Berman, robert.berman@ualberta.ca, Einars Guðmundssonar: eing@hi.is eða
Ragnars F. Olafssonar: rfo@namsmat.is.
123