Múlaþing: byggðasögurit Austurlands - 01.01.1974, Side 145

ur reiddur og stofnuðum til andspyrnu gegn þeirri ákvörðun og
kem ég nánar að því síðar.
En nú skal hverfa að árinu 1931 og því atviki sem átti að verða
aðalefnið í þessari frásögn. Ég var þá nýlega tekinn við búskap
með móður minni á Hjartarstöðum í Eiðaþinghá eftir föður minn
sem lézt 1926.
Ég var þá ungur og stálhraustur, og líklega hefur verið í mér
einhver framfarahugur því ég var reiður bæði guði og mönnum,
upp á móti yfirvöldunum og nokkuð mikið rauður, a. m. k. fannst
mér ég vera hálfgerður kommúnisti. Annars hef ég aldrei verið í
neinum pólitískum flokki og meira og minna á móti þeim öllum
nema helzt Þjóðvarnarflokknum síðar, en líklega hefði ég orðið á
móti honum líka ef honum hefði vaxið svo fiskur um hrygg að
hann hefði orðið að pólitísku afli í þjóðfélaginu.
Þó var ég ekki svo langt leiddur í uppreisnarátt að ég teldi hvert
úrræði stjórnarvalda til bölvunar og sprottið af illum hug og
stundum þóttist ég jafnvel sjá heiðríkjuglotta á lofti í tiltektum
þeirra. Einn slíkur glotti sýndist mér t. d. koma á loft þegar það
spurðist árið 1931 að ungur jafnaðarmaður hefði verið skipaður
bankastjóri við útibú Litvegsbankans á Seyðisfirði.
Þetta var Haraldur Guðmundsson. Hann hafði þá skömmu áður
komið hingað austur á stjórnmálafundi og fór orð af snjöllum mál-
flutningi hans og geðfelldri framgöngu.
Nú hugsaði ég mér gott til glóðarinnar og svo mun hafa verið
með fleiri skuldaþrjóta, sem langaði til að koma járni á húskofa,
kaupa svolítið stærri slatta af Noregssaltpétri en vanalega, geta
losnað við að láta nokkrar góðar lífgimbrar í kaupfélagið eða
koma unglingi í skóla. Sjálfur átti ég þá að vísu hvorki konu né
börn, en yngri sýstkini mín voru smátt og smátt að komast á
mátulegan aldur til skólavistar og Eiðaskóli klukkutíma gang í
burtu.
Eg ákvað því að bregða mér á Seyðisfjörð, hafa tal af nýja
bankastjóranum og reyna að kría út úr honum víxilkorn til að
koma einhverju í kring í sambandi við búskapinn eða grynnka á ó-
þægindum af skuldafargani. Þetta var í febrúarmánuði 1931. Veðr-
attan var hagstæð til ferðalags, snjór á jörð og gott skíðaleiði.
mulaþing
143