Norðurljósið - 01.01.1976, Blaðsíða 39
NORÐURLJÓSIÐ
39
Jesúm: „Son Guðs ertu með sanni, sonur Guðs, Jesú minn . . .
Son Guðs einn eingetinn,“ hann er nú látinn segja um Jesúm:
„Var son Guðs sem vér allir.“ Menn, sem trúa öndunum, munu
segja, að Hallgrímur hafi verið betur fræddur um þetta, er hann
var dáinn. Hallgrímur í lifandi lífi kenndi það, sem Kristur
kenndi sjálfur um sjálfan sig, eins og ritað er í guðspjalli Jó-
hannesar. Verður því að neita sannsögli andanna í þessu efni.
Hér skal kalla þann mann til vitnisburðar, sem hét eða heitir
Raphael Gasson. Hann hefir ritað bók, sem heitir „The Chal-
lenging Counterfeit." „Ögrandi eftirstælingin11 gæti hún, ef til
vill, nefnst á íslensku. Hún er saga manns, er var miðill og
læknaði sjúka. Andar þeir, sem unnu með honum, sögðust vera
góðir andar. En hjarta hans var hungrað. Loks kynntist hann
lifandi boðskap um Drottin Jesúm Krist. En áður það varð, féll
hann í sinn síðasta dásvefn sem lækningamiðill. Andarnir ætl-
uðu að drepa hann og köstuðu þar með grímunni. Hann skildi
þessa árás þeirra ekki þá. En hann skildi hana síðar, er hann
hafði tekið á móti Jesú Kristi sem frelsara sínum og fyllst
heilögum anda.
Raphael Gasson er ekki eini miðillinn, sem komist hefir að
raun um, að andarnir, sem svo fagurlega tala, eru illir og vilja
táldraga mennina. Sumt fólk á erfitt með að skilja þetta og trúa
því. Fékk ég eitt sinn að heyra eitthvað í þá átt. Minnti ég þá
viðmælendur mína á erindi, sem ég lærði sem unglingur. Höf-
undurinn var Steingrímur Thorsteinsson skáld, ef mig mis-
minnir ekki. Erindið er svona, minnir mig.
Undrast þú ættir það síst,
að hann Ingjaldur sveik þig og rægði.
Manstu ei við annaðhvort orð
„Elskan mín,“ sagði hann við þig.
Vertu þá var um þig helst,
er vinmælin sætlegast klingja.
Naðurinn fleðar sig flár
fyrr’ en hann bítur í hæl.“
Geti mennskur maður beitt svo viðbjóðslegri flærð, hvað
munu þá sjálfir illu andarnir geta, langþjálfaðir í hvers konar
lygum, blekkingum og táldrægni?
Guð hefir varað mennina við að leita sambands við þá. Það
gerði hann í 5. bók Móse 18. kafla 9. —14. grein: „Þegar þú