Norðurljósið - 01.01.1976, Blaðsíða 70

70
NORÐURLJÓSJÐ
hús. Ég var fljótur á fætur og ók með æðishraða um borgina.
Lögregluþjónn tók upp bók sína, um leið og við fórum framhjá.
En það var enginn tími til að stansa og skýra málið fyrir honum.
Eftir litla stund áttum við nýfædda litla stúlku.
Eilín gat tekið öllu með jafnaðargeði. Þegar ég var með
áhyggjur út af því, hvað tæki við, þegar við dæjum, sagði hún
rólega: „Við munum horfast í augu við það, þegar þar að kemur,
góði.“
Hvað gat haft þau áhrif á konu mína, að hún óskaði eftir
kristilegu afturhvarfi? Uppgerðarauðmýkt væri það, ef neitað
væri, að það var augljósa breytingin á mér. Þegar ég hafði beðið
Drottin Jesúm Krist og opnað dyrnar þetta maí-kvöld, að hann
kæmi inn til mín, þá kom hann inn. Ekki kom hann líkamlega,
en Andi hans kom og auglýsti sig á ýmsa vegu. Ég fann, að þetta
nýja líf í mér vildi þvo upp matarílát og gera önnur heimilis-
verk, sem áður voru mér leið. Loks, um níu mánuðum síðar en
ég, öðlaðist konan mín sjálf þekkingu á Drottni. Guð var farinn
að svara bænum mínum og litla hópsins, sem kom saman án
þess að mikið bæri á, í setustofu prestsins.
Allt virtist nýtt. Nú skildi ég, hvað Jesús átti við, er hann sagði
mjög trúræknum manni fyrir svo löngu: ,,Yður er nauðsynlegt
að fæðast á ný.“ Þetta, sem kom fyrir mig, var ekkert annað
en endurfæðing. Nú átti ég dásamlegt fæðingarvottorð. Guð var
faðir minn og nafnið mitt var innritað á himnum.
Árin, sem ég var leitandi, höfðu endað fimmta maí nítján
hundruð fimmtíu og fimm. Sáðkornið, sem sáð hafði verið í
hjarta mitt, kom þá upp og byrjaði að vaxa. Jesús sagði: „Sæðið
er Guðs orð.“ Þá tók ég á móti orði hans. Sá dagur er mér
minnisstæðastur allra daga ævi minnar. Ég hefi alltaf haft lélegt
minni. Oft hefir mér komið í hug, að Guð, sem allt þekkir, hafi
gefið því gaum. Þess vegna hafi hann látið þennan annan fæð-
ingardag minn vera 5. 5. ’55, svo að ég skyldi aldrei gleyma því
— ef ég gæti það nokkru sinni!
2.-5. kafli. Saga andlegs ferðalags.
Þegar hér er komið sögu höfundar, hefst alveg nýr þáttur í
ævi hans. Hann fjallar um leit hans að andlegu heimili.
Saga hans er þar fjölbreytt og lærdómsrík. En hún getur
elcki verið áhugaefni lesenda Nlj. yfirleitt. Hann var alveg á-
kveðinn í því, að heilög ritning, nýja testamentið skyldi vera
leiðarljós hans ásamt leiðbeiningum heilags Anda. Skal það