Norðurljósið - 01.01.1976, Blaðsíða 140
140
NORÐURLJÓSIÐ
ingu. Hann sagði: „Guð er andi, og þeir, sem tilbiðja hann, eiga
að tilbiðja hann í anda og sannleika."
Þá er svarað spurningum yðar. Þér megið senda fleiri spurn-
ingar, sem snerta biblíuna, en ég lofa ekki að svara eins fljótt
og nú. Svo eru að lokum tvö orð Krists: „Gætið að, hvað þér
heyrið.“ „Ég er sannleikurinn.“
Vinsamlegast, — S. G. }.
TRÚARLÆKNINGAR.
Minn elskaði bróðir í Kristi.
Það, sem mig langar nú helst til að ræða við þig, er sú afstaða,
sem taka skal, þegar þjónar Guðs boða guðlegar lækningar, en
eru sjálfir sjúkir. Þú nefnir dæmi þess. En þau eru fleiri til. Vil
ég þá nefna fyrst til Smith Wigglesworth. Hann var breskur,
var í Hjálpræðishernum, minnir mig, en gerðist síðan Hvíta-
sunnumaður. Honum var veitt lækningagáfa í ríkum mæli. Ævi-
saga hans birtist í „Korsets Seier“ fyrir fáum árum. Þar var
sagt frá því, að hann þjáðist af nýrnasteinum. Safnaði hann
þeim í flösku, er þeir gengu niður af honum, og varð hún full af
þeim. En hverri niðurgöngu fylgdu nær því óbærilegar kvalir.
Kom þá stundum fyrir, að hann gat ekki predikað og lét annan
mann gera það. En er kom að lækningum sjúkra á eftir, mætti
hann alltaf. Á gamals aldri fékk hann snert af slagi, minnir mig.
En svo var það einn dag, að Róm. 8.11. varð lifandi fyrir honum:
„En ef Andi hans, sem vakti Jesúm frá dauðum, býr í yður, þá
mun hann, sem vakti Krist Jesúm frá dauðum, og gera lifandi
dauðlega líkami yðar fyrir þann Anda hans, sem býr í yður.“
Wigglesworth trúði, að þetta gæti orðið nú í þessu lífi, og upp
frá því hurfu öll veikindi, heilbrigði hans var fullkomin, uns
hann dó snögglega, er Drottinn tók hann heim.
Annað dæmi má nefna, það er postulinn Páll. Sé það lesið ná-
kvæmlega, sem hann segir um sjálfan sig í bréfunum, einkum
Galatabréfinu, þá er alveg ljóst, að hann var ekki alltaf líkam-
lega heill. Ef til vill var það sá „Satans engill,“ sem hann minnist
á. Það getur verið auðmýkjandi, hafi menn tilfinningu fyrir því,
að boða öðrum guðlegar lækningar, en vera svo sjálfur sjúkur.
— Eins og þú veist, tek ég þá afstöðu sjálfur, að Guð lækni,
hvort sem hann notar lækna og lyf eða bein kraftaverk. Þess
vegna ber honum dýrðin sérhvert sinn, er hann líknar sjúkum og
gerir þá heilbrigða, hvort sem hann notar kraftaverk eða lækna.