Jörð - 01.09.1947, Page 56
ÞETTA bréf er skrifað með ljóspenna frá Gleymmérei-gerði
í Draumbyggð, og á að fara til Hennar Ljóshvítar litlu i
Geislabæ í sömu sveit. Og það er frá honum Ljósvin litla á
Ljómastöðum.
Ég kalla mig nefnilega í huganum ennþá Ljósvin „litla", þó
ég sé nú orðinn langt frá því að vera lítill, eftir því sem fólkið
meinar, svona almennt. — En það meinar nú aldrei neitt nema
meiningarleysur.
Ég kallaði þig nú líka oftast „litlu vinu“ og varstu þó hreint
ekki svo lítil þá, — annars eru þau nú ærið mörg nöfnin, sem ég
hef gefið þér í huganum, — t. d. þegar lóan syngur á vorin, þá
heyri ég að hún er að syngja um þig og kallar þig þá „Dírrindí".
Það er nú líka svo ljómandi fallegt, að ég kalla þig þá líka„Dírr-
indí“ lengi á eftir. — En það eru líka ótal, óta'l fleiri nöfn, sem
hann Ljósvin litli geymir í huganum handa þér, — og þau eru
nú fjarskalega mismunandi, skal ég segja þér; — þau fara nefni-
lega svo mikið eftir því, hvernig á honum Ljósvin liggur, þó ég
segi sjálfur frá. — En eitt get ég sagt þér, að öll eiga þau það
sameiginlegt, að hafa fæðst þar, sem allt hið bezta og sannasta
í hug hans og hjarta býr, svo þú mátt reiða þig á, að þó þau séu