Úrval - 01.01.1964, Blaðsíða 29

HLJÓMLIS T NÁ T T ÚIi UNNAII
35
Svo mikill var vígamóðurinn, að
þeir veittu því enga athygli, þó
að ég kæmi alveg að þeim, og
ekki er neinn vafi á því, að
auðveldlega geta þessir fuglar
orðið köttum og fálkum að bráð,
þegar þeir eru komnir í slíkan
bardagaham. Enn stóð einvíg'ið
í tuttugu mínútur, nema hvað
þeir gerðu einstaka sinnum hlé
á til að kasta mæðinni, lágu
því sem næst hvor við annars
hlið með uppspert nefin. Loks
varð annar greinilega undir.
Velti hinn honum þá á bakið,
sat ofan á honum og hjó nef-
inu ótt og títt í koll honum
og kverk, en sá, sem undir varð,
veinaði eins og hann hefði lent
í rándýrsklóm og reyndi með
öllu móti að komast undan. Og
þegar það loksins tókst, skreidd-
ist hann af stað, hörmulega
leikinn, en sigurvegarinn sat
eftir, svo örmagna að hann gat
ekki rekið flóttann.
Öðru sinni sá ég „ógiftan“
kven-svartþröst reyna að kom-
ast upp á milli hjóna. í marga
daga háði hún stuttar en grimmi-
legar sennur við eiginkonuna,
sem naut liðsinnis eiginmanns
sins, en illa var sú ógifta leik-
in, áður en hún gafst upp og
hafði sig endanlega á brott.
Fuglar, scm ekki syngja, reyna
að helga sér yfirráðasvæði á
annan hátt. Þar eð aðferð ástr-
alska atlaskfuglsins eflaust
merkilegust, en hann telzt til
hinna svokölluðu laufskálafugla.
Það lcallast þeir vegna þess, að
þeir helga sér umráðasvæði
með einskonar laufskálum, og
atlaskfuglinn er snjall bygginga-
meistari. Laufskála sína byggja
þeir venjulega á jarðvegi milli
trjánna; stinga niður grönnum
viðarteinungum, 30—50 sm. há-
um, svo að þeir mynda tvær
samhliða raðir, og hallast inn,
þannig að þeir koma oft saman
efst. Merkilegast er þó, að fugl-
inn skreytir laufskála sinn alls-
konar litskærum hlutum —
kufungum, fjöðrum, ferskum
blómum og blöðum, lituðum
glerbrotum og' pappirssneplum,
pjötlum úr slönguskinni og öðru
þessháttar. Einkum er það blái
liturinn, sem fugl þessi hefur
sérstakt dálæti á, og geri hann
sér laufskála í grennd við
mannabústaði, safnar hann þar
saman allskonar dóti, einungis
ef það er blátt. Við einn slíkan
laufskála hafa fundist — auk
fjaðranna og kufunganna — 17
blákkupausar, 10 bláir eldspýtu-
stokkar, blár sigarettupakki,
blátt umslag, blár bandspotti,
34 blá glerbrot, blár marmara-
moli, hvítur miði með bláu
striki, blár súkkulaðipappír og
blátt boðskort.
Þegar karlfuglinn vill vekja