Norðurljósið - 01.01.1976, Side 58
58
NORÐURLJÓSIÐ
gera kálfa tvo af gulli, og hann kom þjóðinni til að dýrka þá,
þó að sumir kysu heldur að láta lönd sín og flytja sig til Júda-
ríkis.
Þjóðabrotin bæði fylltu að lokum svo mæli synda sinna, að
þau voru herleidd, ísrael til Assýríu, en Júda um það bil 136
árum síðar til Babel.
Eftir þessar herleiðingar eignaðist þjóðin aldrei aftur inn-
lendan konung. Hvað um ísrael varð, greinir menn á um. Menn
úr sumum þeirra ættlcvíslum sameinuðust Júdakvísl, Gyðingum.
Sumir telja, að eitthvað af ættkvíslum Israels hafi að lokum
komið til Evrópu. Halda sumir fram í fyllsta alvöru, að Engil-
saxnesku þjóðirnar séu afkomendur þessara ættkvísla, nema
ættkvísl Assers, sem hafi komist seinast á flakki sínu til Noregs
og þaðan farið vestur um haf til íslands.
7. Konungsríki Israels verður endurreist.
Þegar engillinn vitjaði Maríu, færði hann henni þennan boð-
skap: „Þú munt þunguð verða og fæða son; og þú skalt láta
hann heita Jesúm. Hann mun verða mikill og verða kallaður
sonur hins Hæsta; og Drottinn Guð mun gefa honum hásæti
Davíðs föður hans, og hann mun ríkja yfir ætt Jakobs að
eilífu, og á ríki hans mun enginn endir verða.“ (Lúk. 1. 30,—
33.).
Um það bil 31 ári síðar hóf Drottinn Jesús starf sitt. Þá tók
hann að stofna það ríki sitt, sem er hið innra í hjörtum þeirra
manna, sem opna sig fyrir honum sem frelsara sínum, konungi
og Drottni. Þessu starfi hefir hann haldið áfram í meir en 1940
ár. Hann á það fólk nú hér á jörðu, eins og hann hefir átt það
síðan á dögum postula sinna, sem tekur hann fram yfir allt
annað. Þeir þakka honum sem frelsara sínum, þjóna honum sem
konungi sínum og tilbiðja hann sem Drottin sinn og Guð sinn.
Þetta er það Guðs ríki á jörðu, sem kom þannig, að ekki bar á
því. Guðsríki, sem hvergi á sér þjóðland né höfuðborg, er komið
nálega um alla jörðina, en þó er hvergi hægt að benda á það.
Ísraelsríkið með Krist sem konung hefir ekki verið stofnað
enn. En það kemur. Ef til vill má segja, að það sé næsti liður á
dagskrá Guðs, þáttur, sem geti hafist hvenær sem er eftir
nokkurra ára ógnir og hörmungar hér á jörðu, sem langt munu
taka öllu því fram, sem áður hefir þekkst. En hörmungartíminn
endar á þann hátt, að Drottinn Jesús kemur aftur frá himnum
ásamt herskörum engla og sínum heilögum, sem trúað hafa á