Norðurljósið - 01.01.1976, Qupperneq 90

90
NORÐURLJÓSIÐ
mínu til þessa manns. Mig langaði samt mjög til þess, að hann
gæfi mér eitthvað af matnum, þótt það væri aðeins smáögn af
kökunni. Þó var það ekki helst löngun til að eta þetta, heldur
til að laða fram í huga mínum myndina af ástvinu minni og
elskulegu börnunum! Æ, hann át þetta allt, og er því var lokið,
hellti hann yfir mig skömmum.
„Yfirmaður,11 sagði ég við hann, „þótt þú eigir svo mikið,
ertu í rauninni fátækur. En ég er ríkur, af því að ég trúi á Guð
og hefi verið frelsaður fyrir hið dýrmæta blóð Jesú Krists.“
Við þessi orð varð hann ofsareiður og skammaði mig æðis-
lega. Hann sendi mig síðan í fangaklefann.
Er stríðinu lauk, var mér sleppt með öðrum föngum. Upp
frá því lagði ég mig í framkróka við að finna, hvar kvalari minn
væri niðurkominn. Flestir þeirra foringja, sem yfirmenn voru
fangabúða, voru skotnir. Ég frétti samt, að eigi að síður hafði
mínum manni tekist að komast undan vegna mjög kænlega út-
búins dulargervis. í meira en tíu ár hélt ég áfram að spyrjasi
fyrir um hann. Loksins komst ég að því, hvar hann átti heima.
Ég tók með mér sanntrúaðan prest og fór heim til hans. Hann
lést ekki þekkja mig.
„Ég var númer 175 á fangaskránni," sagði ég. „Manstu ekki
eftir aðfangadagskvöldinu 1944?“
Hann tók að titra sem laufblað. Konan hans, sem stóð við
hlið hans, varð gripinn af ofsalegri skelfingu.
„Ertu kominn hingað til að hefna þín?“ tókst honum loks að
stama upp svo veikt að varla heyrðist.
„Já,“ sagði ég.
Þá opnaði ég böggul og tók fram fallega köku, sem konan
mín hafði bakað. Ég bað konu hans að búa til dálítið af kaffi
handa okkur. Síðan settumst við fjögur niður og neyttum kök-
unnar, sem konan mín hafði búið til. Andlit hans flóði í tárum,
er hann sárbað mig að fyrirgefa sér.
„Ég fyrirgaf þér í nafni Jesú Krists á því andartaki, er þú
varst að kvelja mig,“ sagði ég.
Það leið eitt ár eða svo. Þá tóku þau bæði auðmjúklega við
Jesú Kristi í hjörtu sín sem frelsara sínum. Áframhaldið sýndi
það í verki, að þau voru sannarlega endurfædd. Upplýst af
heilögum Anda eru þau loksins að læra þetta lögmál kærleikans,
sem Drottinn Jesús kenndi okkur: „Elskið óvini yðar, blessið þá,
sem bölva yður, gjörið þeim gott, sem hata yður, og biðjið fyrir
þeim, sem fara illa með yður og ofsækja.“