Norðurljósið - 01.01.1976, Page 109

NORÐURLJÓSIÐ
109
að reisa sér hús, en lét hús Drottins liggja í rústum. Þess vegna
var blessun Guðs eklci yfir akuryrkju og vínyrkju þess.
Postulinn Páll, sem var kennari heiðingja í ,,trú og sannleika“,
kenndi þeim ekki að gjalda tíund. En hann kenndi þeim, að þeir
ættu að gefa eftir efnum og ástæðum. Þá kom í ljós, að sumir,
sem voru mjög fátækir, voru líka mjög örlátir og gáfu mikið,
miðað við efnin. Með þessu kom hjartalagið í ljós á þann hátt
sem það gat aldrei komið fram, er tíund var goldin, og ,,Guð
elskar glaðan gjafara“, ritaði Páll. Gjafaféð verður „fjársjóður
á himni“, kenndi Drottinn Jesús. Fylgjendur hans eiga að kosta
kapps um að afla sér slíkra fjársjóða: Gefa til starfs Drottins,
til kristniboðs og trúboðs og hinum fátæku. Þetta er eftir kenn-
ingu og fyrirmynd Páls postula og safnaða í fyrstu kristni.
- S. G. J.
Þeir vöktu aðhlátur.
Er stjarnfræðingurinn Galileo uppgötvaði, að jörðin gengur
umhverfis sólina, þá hlógu menn og gerðu gys að honum. Nú
er hverju barni kennt, að jörðin fer umhverfis sólina.
Er vélfræðingurinn Watt komst að því, að orka býr í gufunni,
þá var heimurinn efablandinn. Og þegar Stephenson bjó til
gufuvél, sem gekk fyrir orku gufunnar, gerðu menn gys að
honum sem draumóramanni. Nú er sérhver eimreið eða gufuvél
á sjó eða landi sigurtákn þeirra beggja.
Morse komst að því, að rafmagn mátti leiða eftir vírþræði og
hægt væri að senda boð milli Evrópu og Ameríku á broti úr
sekúndu, þá var fólk sannfært um, að hann væri að tala um
eitthvað sem ekki væri unnt að gera. Hvar finnst sá, er nú efist
um þessa miklu uppgötvun?
Hlegið var að hugmyndum, er lutu að bifreiðum, loftskeytum,
flugvélum og kafbátum. En þær hafa orðið að veruleika. Ennþá
er hlegið að hinni mestu uppgötvun, sem unnt er að gera í þessum
heimi. J. Y. Simpson, læknir í Edinborg, uppgötvaði svæfilyf við
skurðaðgerðir. Hann var spurður, hver væri mesta uppgötvunin,
sem hann hefði gert. „Að ég væri mikill syndari og að Kristur
væri mikill frelsari."
Hefir þú ekki ennþá gert þessa stórmiklu uppgötvun? (Emer-
gency Post).
Vilji einhver gera þessa uppgötvun, en hún hefir eilíft gildi,
þarf hann eða hún ekki annað en biðja í einlægni: „Drottinn,
sýndu mér sjálfa(n) mig.“ Þegar hann hefir gert það, þá kemur