Norðurljósið - 01.01.1976, Síða 179

NORÐURLJÓSIÐ
179
hill frá Bretlandi og Roosevelt frá Bandaríkjunum. Varð þá
gert það samkomulag, að Rússar skyldu fá að fara sínu fram í
austurhluta suður-Asíu, en Bandaríkjamenn í Ameríku allri frá
suðurodda til norður-íshafs og eyjanna þar.
Mörg tíðindi gerðust og stór. Kommúnistar náðu öllu Kína.
Þá kom til sögunnar utanríkisráðherra hjá Bandaríkjunum,
sem stemma vildi stigu kommúnismans, að hann næði ekki allri
suðaustur-Asíu á sitt vald. Auðvitað voru þetta samningsrof við
Rússa. En Bandaríkjamenn sendu herlið til Kóreu. Þeirri styrjöld
lauk með skiptingu landsins við 17. lengdarbaug.
Norður-Vietnamar hófu síðan styrjöld við Suður-Vietnam.
Þangað hafði flúið geysimargt fólk úr Norður-Vietnam, er
kommúnistar náðu þar völdum. Framhaldið þekkja allir. Thai
land eitt er ekki komið undir kommúnista stjórn, þegar þetta er
ritað. Rússar hafa aldrei tekið eins beinan þátt í styrjöldum
þessum og Bandaríkjamenn, því að þeir hafa engan her sent
þangað eins og hinir síðarnefndu.
Þegar kristniboðið leitaði fótfestu í Laos, Thailandi og Kam-
bodiu, þá var það hún ein, sem lokaði alveg landamærum sínum
fyrir kristniboðunum. Þeir settust að við landamærin, reyndu
að ná til fólksins með kristilegum ritum, eftir því sem unnt var
að koma þeim inn í landið. Loksins hrundu þó þessir múrar and-
stöðunnar, fólkið fékk að heyra fagnaðarboðskap Krists.
Margar þúsundir höfðu tekið trú á Krist, þegar hinir rauðu
Khmerar náðu landinu á sitt vald. Landið er svo lokað nú, að
litlar fregnir berast þaðan, hvernig kristnu fólki líður þar.
Margt hefir verið og sagt um fjárhagstjón það, sem stríðið í
Suður-Vietnam leiddi af sér fyrir Bandaríkjamenn, auk þess
manntjóns, sem þeir urðu fyrir. Hins vegar herma engar opin-
berar skýrslur frá því, hversu margir menn þeirra komust til
sannrar og lifandi trúar á Drottin Jesúm Krist. Öhætt mun að
fullyrða það, að þeir hafi skipt tugum þúsunda. Má í því minna
á frásögnina framarlega í þessu hefti: „Þar þjáðust margir
mikið.“
Kristur spurði einu sinni: „Hvað stoðar það manninn að
eignast allan heiminn og fyrirgjöra sálu sinni?“ (Mark. 8.38.).
Satan hafði þá fyrir nokkru boðið honum að eignast allan
heiminn, „ef þú fellur fram og tilbiður mig.“ Hann vissi, að
markmið Krists var að eignast allan heiminn, að verða í framtið
konungur hans. En yfirráða leiðin lá um Golgata og dauða þar
á krossi. „Þú getur sloppið við þetta, þú þarft ekki annað en