Norðurljósið - 01.01.1976, Side 180

180
NORÐURLJÓSIÐ
falla fram fyrir mér, viðurkenna mig sem sannan herra yfir öllum
heimi . . .“
En Kristur sá fleira en dýrðina sem einvaldur konungur
heimsins. Hann sá syndina, meinið mikla, sem veldur öllu böli
heimsins og þjáningum í raun og veru, sem mennirnir baka
hverjir öðrum. Auðvitað gat hann hafið geysimikið og víðtækt
Iíknarstarf. En það náði ekki að rótum meinanna: syndinni, sem
skildi menn frá Guði og eitraði líf þeirra þessa heims sem
annars. Hann vissi um hina óguðlegu, sem þegar er farið að
refsa í öðrum heimi. Hann vissi um alla þá miklu skara manna,
sem allir mundu hreppa ógæfu í öðrum heimi, fengju þeir ekki
fyrirgefning syndanna hér í þessum heimi.
Hann sá meira. Hann sá, að þá mundi hann aldrei eignast
það fólk, sem elskaði hann svo mikið, að það tæki hann fram
yfir allt: föður, móður, systur, bræður og jafnvel einnig sitt
eigið líf. Guð mundi fara á mis við alla þá lofgerð og þakkar-
gjörð, sem skarar frelsaðra sálna mundu færa honum. Þá mundi
himinninn sjálfur aldrei óma af þakkar og lofgerðarsöng endur-
leystra manna.
„Vík burt, Satan, því að ritað er: Drottinn, Guð þinn, átt þú
að tilbiðja og þjóna honum einum.“
Þessi orð úr ritningunni minntu Satan vafalaust á, að ennþá
væri Jesús frá Nasaret, Jahve, Guð ísraels og konungur hans.
„Konungsorð er máttugt," segir ritningin. Satan hlýddi og fór
á brott. Ef til vill ætlaði hann að leita annarra bragða síðar.
Hefði Satan getað keypt Krist til að óhlýðnast Guði, það
hefði orðið örlagaríkur kaupsamningur fyrir heiminn. Guði sé
lof, að hann gat það ekki. — S. G. J.
DÝR KÖTTUR
Uppboð stóð yfir. Líklega hefir verið selt dánarbú, því að alls
konar munir voru til sölu. Meðal þess, er átti að selja voru
köttur og dráttarvél. Matsmaður hafði sett á hana verðmiða.
Á honum stóð: Hámarkverð 830 dollarar. Ekkert bar til um-
talsverðra tíðinda fyrr en allt var selt nema kötturinn og dráttar-
vélin.
Uppboðshaldarinn þreif þá köttinn og tilkynnti, að hann
skyldi seldur hæstbjóðanda, en dráttarvélin ætti að fylgja sem
kaupbætir. Hann seldi síðan köttinn á 1300 dollara.
„Börn þessa heims eru kænni í viðureign sinni við kynslóð
sína en börn ljóssins.“