Norðurljósið - 01.01.1976, Page 184

184
NORÐURLJÓSIÐ
Loksins, hinn 9. sept. 1927, kom útvarpsstöðin fullgerð til
Akureyrar. Var þegar hafizt handa að setja stöðina upp í húsi
því, Sjónarhæð, sem A. G. bjó í. Þá leið ekki á löngu, unz hægt
var að reyna þessa nýju stöð.
Arthur Gook getur þess í Norðurljósinu, að tilkoma þessarar
útvarpsstöðvar vakti allmikla athygli. Athygli sú var ekki bundin
við ísland eitt. Erlendur maður, sem dvaldi þá hér á Norður-
landi vetrarlangt eða lengur, gerði sér mjög títt við A. G., kom
oft til hans og ljósmyndaði tækin sem vendilegast, er því varð
komið við. Þótti þá eða seinna, að þetta hefði haft einhvern
tilgang. Skrifað var í blöð um stöðina, og munu þau skrif finnast
í blöðum frá þeim tíma.
Hér hefði átt við, að stöðinni hefði verið lýst frá tæknilegu
sjónarmiði. Þess er enginn kostur. Öldulengd hennar mun hafa
verið 182 m. Þá voru ekki útvarpsstöðvar almennt gerðar fyrir
svo stutta öldulengd. Útvarpsfræðingurinn, sem bjó hana til,
var hins vegar sannfærður um, að stuttu bylgjurnar ættu framtíð
fyrir sér. Hefir heyrzt, að sérfróður maður á þessu sviði, sem
heima átti í Bretlandi, hafi látið þau orð falla, er hann heyrði
um stöðina, að hann væri annaðhvort fífl eða snillingur.
Þegar farið var að reyna stöðina, kom brátt í ljós, að rafmagn
frá rafveitu Akureyrar var mjög ófullnægjandi. Sífelldar breyt-
ingar á spennu ollu skemmdum á lömpum í útvarpsstöðinni.
Varð af þeim sökum knýjandi nauðsyn, að stöðin hefði eigin
rafstöð. Var hætt við allt reynslu-útvarp, unz hún væri fengin.
I janúar-febrúar blaði Nlj. 1929 tilkynnir svo A. G., að raf-
stöðin sé komin til Akureyrar. Var þegar farið að setja hana upp.
í september-október blaði Nlj. sama ár skýrir A. G. frá því,
að radíófræðingurinn sé kominn aftur frá Englandi, og sé hann
að gera nokkrar breytingar á senditækjunum. ,,Og eftir nokkrar
vikur vonum við, að stöðin fari að starfa reglulega.
I janúar-febrúar blaði Norðurljóssins árið 1930 ritar svo
Arthur Gook:
„Mörgum er farið að leiðast eftir því, að útvarpsstöðin taki
til starfa. Eins og áður hefir verið sagt, hefir radiofræðingurinn,
sem hefir reist stöðina, verið svo veikur í vetur, að hann hefir
verið frá vinnu í nokkra mánuði. Nú er honum mikið að batna,
og er hann farinn að vinna aftur, þó ekki með fullum krafti enn
þá. Stöðin er ekki langt frá því að vera fullgerð. Síðan leyfis-
bréf stöðvarinnar var gefið út, hafa alþjóðasamþykktir um út-
varpsmál krafizt breytinga á öldulengdarkerfinu yfirleitt, og vér