Heilbrigðisskýrslur - 01.12.1942, Blaðsíða 66
64
í konu á níræðisaldri. Ekki á skrá. Hún dó seinna á árinu af öðrum
orsökum.
Dala. Gamall maður, 85 ára, sem skorinn hafði verið fyrir sull
fyrir 13 árum og hafði fistil síðan, lézt á árinu. Mun dauðaorsökin
aðallega hafa verið ellihrumleiki, og taldi ég hann ekki á skýrslunni.
Hóls. Engin sullaveiki. Hundahreinsun framkvæmd.
Ögur. Enginn maður sullaveikur í héraðinu og hefur ekki verið
rnörg undanfarin ár, og er þó mikið uin sullaveiki í fé. Jafnvel lömb
eru veik. Þó er hundahreinsun vel og dyggilega af hendi leyst. Lík-
legast er hundahreinsun alveg gagnslaus og' jafnvel hættnlegt að segja
ekki fólki frá, að svo sé, svo að það verði varkárara með hundana
en ella.
Hofsós. Karlmaður um fimmtugt með echinococcus hepatis.
Svarfdæla. Vitað er um 3 gamalmenni, sem ganga með sulli, sem
lítil eða engin einkenni gefa og hefur ekki verið snert við. 1 nýr
sjúklingur fannst á árinu, stúlka 26 ára gömul með subphreniskan
sull. Var ópereruð á Akureyrarspítala. Hundahreinsun fór fram með
venjulegum hætti.
Akureyrar. Engir nýir innanhéraðs bætzt við á árinu, en 1 utan-
héraðssjúklingur fengið aðgerð á sjúkrahúsi Akureyrar.
Vopnafj. Hundahreinsun fór fram fyrra hluta vetrar. Fram-
kvæmdi hana vanur maður og fór um allan hreppinn.
Segðisfj. Hef ekki orðið var við sullaveiki, síðan ég kom í héraðið.
Berufj. Gamall maður, sem hafði verið ópereraður vegna lifrarsulls
fyrir um 30 árum, fékk óþægindi fyrir bringspeli og auk þess við og
við hitaköst. Eftir alllanga dvöl á sjúkrahúsi gróf út úr gamla örinu,
hurfu þá öll óþægindi, og er maðurinn nú albata. Hundar eru hrcins-
aðir árlega, og ekkert nýtt tilfelli af sullaveiki hefur komið hér fyrir,
síðan ég kom hingað.
Rangár. Er rnikið í rénun. Þetta ár aðeins 1 fullorðin kona skráð
(ekki á mánaðarskrá): Dó á árinu af afleiðingum gamals lifrarsulls.
Hundahreinsun alls staðar framkvæmd, og yfirleitt er þess gætt, að
hundar nái ekki í sulli. Vanki í sauðfé þekkist nú ekki lengur.
Síðu. Gömul kona með stóran lifrarsull leitaði til mín vegna jiess,
að hún fékk þung't kvef. Nokkuð hindrar sullurinn hana við hreyf-
ingar, og nokkra vanlíðan taldi hún sig hafa stunduin, en hafði samt
aldrei kvartað.
6. Geitur (favus).
Töflur V—VI.
8’ júklingafjöldi 1933—1942:
1933 1934 1935 1936 1937 1938 1939 1940 1941 1942
Sjúkl......... 2 5 2 1 3 7 3 2 2
Geitur eru ekki skráðar á mánaðarskrár, en getið um 1 sjúkling í
ársyfirliti Síðuhéraðs (kona, 59 ára). Enginn geitnasjúklingur leitaði
sér Iækningar í Landsspitalanum.
Læknar láta þessa getið: