Heilbrigðisskýrslur - 01.12.1942, Side 204
202
„dömum“. Á spjöldum uti fyrir stóð, hvað upp á væri að bjóða. Ein
knæpan var þó allra verst. Hún heitir .... og er af Hótel-. .. .ættinni
í Reykjavík. Þar er dansað og drukkið á hverju kvöldi, en aðgangur
aðeins leyfður hermönnum og íslenzkum „dömum“. Virtist vera nóg
af þeim þar, fullum og hálffullum. Það undraði mig stórlega, að bæj-
arráð Hafnarfjarðar skyldi geta þolað að hafa aðra eins knæpu og
jæssa í sínu bæjarfélagi. En sem sagt, allt virtist vera í þessu fína
kag'i. Sennilega fannst mér einum eitthvað athugavert við þetta og var
kannske vegna þess, að ég kom úr setuliðslausum bæ og var öllu þessu
,,ástandi“ ókunnugur. Síðar var mér sagt, að setuliðsmennirnir köll-
uðu hinn umrædda veitingastað sama nafni og illræmdustu alþjóða-
melluknæpu í Kína.
Borgarnes. Setuliðið var hér allt árið, fyrst enskt og frá því í maí
amerískt. Börn voru mikið utan í hermönnunum og vita-tilgangslaust
að reyna að hindra slíkt. Hermennirnir höfðu gna'gð af sælgæti,
ávöxtum o. fl., sem ýmist er bannaður innflutningur á til þarfa lands-
ins barna eða hindruð framleiðsla á með skömmtun, sem að engu
gagni kemur. Framan af árinu var hér brezkt setulið. Hafði ég dá-
lítið saman við það að sælda, og féll vel á með mér og þeim foringj-
um og lækni, er um var að ræða. í lok þess tíma, að Bretar voru hér,
urðu þeir læknislausir í tæpan hálfan mánuð, og gegndi ég læknis-
störfum hjá þeim á meðan. Síðara hluta ársins var hér amerískt setu-
lið, en saman við það hafði ég lítið að sælda. Þeir höfðu fjölda af
læknum og byggðu sér spitala og þurftu aldrei á minni aðstoð að
halda. Eins og áður er getið, hændust börn mjög að hermönnunum,
einkum vegna sælgætis- og ávaxtagjafa. Drógu krakkarnir svo þessa
vini sína með sér inn í hús og stofnuðu með því til kynna, þar sem
þess hefði ekki verið óskað annars. Annars munu kynni við setuliðið
hafa orðið allnáin sums staðar, og gengu sögur af slíku. Þar sem mér
er ekki persónulega kunnugt um sannindi á þessu, læt ég hjá líða að
leggja þar nokkurn dóm á. Þó virðast fædd setuliðsbörn hér færri en
svo, að líklegt sé, að allt sé satt, sem talað hefur verið.