Ritið : tímarit Hugvísindastofnunar - 01.01.2019, Page 92
„HANN ER BARA Á VONDuM STAð“
105
körlum fari lægra en þegar brotaþolar eru konur, þrátt fyrir umræðu síðustu
missera.
Lík í gjótu — líf á skjá
Rökkur fjallar um fyrrverandi kærustuparið Einar (leikinn af Sigurði Þór
Óskarssyni) og Gunnar (leikinn af Birni Stefánssyni). Í upphafi myndar hef-
ur sá fyrrnefndi nýverið slitið sambandinu, og það valdið þeim síðarnefnda
særindum. Atburðarásinni er hrint af stað þegar sími Gunnars hringir um
miðja nótt. Hann er of seinn til að svara en hlustar á skilaboð sem Einar
skilur eftir í talhólfinu. Hann er staddur í bústaðnum Rökkri vestur á Snæ-
fellsnesi og þangað heldur Gunnar, sem óttast að Einar sé í vanda staddur.
Það sem Gunnar veit ekki er að Einar er þegar látinn þegar hann kemur
á staðinn. Þó kann einhverja áhorfendur að gruna það því þegar Gunnar
gengur inn í sumarhúsið er það fyrsta sem ber fyrir augu hvítur kóngur sem
liggur, fallinn á taflborði. Rauði jakkinn sem Einar klæðist minnir að auki
á aðra kápu sem leið um króka og kima Feneyja í kvikmyndinni Don’t Look
Now (Nicholas Roeg, 1973).10 Gunnar hringsólar um í sporunum sem Einar
fetaði síðustu dagana og leitar að skýringu á glæp, sem hann veit þó ekki
að hafi verið framinn fyrr en undir lok myndar þegar hann gengur fram á
lík Einars ofan í gjótu. Svo virðist sem Einar hafi verið myrtur af gömlum
bónda í sveitinni, níðingi sem samsveitungar vissu af en þögðu um, en bónd-
inn lokkaði Einar til að hitta sig á stefnumótaforritinu Grindr. Þó að Einar
sé látinn þegar Gunnar mætir honum í sveitinni birtist hann stöðugt sem
hann væri á lífi í myndrammanum allt þar til líkið finnst undir lok kvik-
myndarinnar. Einar gengur þar með aftur á ótal skjám.
Gunnar ræður síðustu ummerkin um Einar á lífi af tölvuskjá, upptökuvél
og snjallsíma hins látna. Símann finnur Gunnar þegar hann gengur fyrst
að sprungunni þar sem lík Einars liggur, snemma í myndinni. Hann finnur
jarðneskar leifar Einars þó ekki fyrr en hann reikar að gjótunni í annað sinn
og áttar sig um leið á því að hann hefur verið að eltast við draug allan tímann
sem hann var staddur á Snæfellsnesi.
Það er engu líkara en að Gunnar gangi inn í annan heim þegar hann
kemur í Rökkur, því fyrsta verk hans í bústaðnum er að opna tölvu Einars.
Við honum blasir glettin sjálfsupptaka af ástmanninum fyrrverandi á flandri
10 Kvikmyndin, sem byggir á smásögu eftir ensku skáldkonuna Daphne du Maurier,
fjallar um missi og sorg. Fjölskyldufaðirinn John Baxter (Donald Sutherland) eltist
við veru í rauðri kápu um Feneyjar. Hann telur veruna vera látna dóttur sína.