Ritið : tímarit Hugvísindastofnunar - 01.01.2019, Page 121
SIGRÚN MARGRéT GuðMuNDSDÓTTIR
134
Ásóknin hríslast einnig um hljóðrásina í kvikmyndinni. Það er barið að
dyrum í Rökkri um miðja nótt og Gunnari gert rúmrusk. Bankið minnir á
The Haunting (1963) eftir Robert Weis, þar sem skelfingu lostnar Eleanor og
Theodora horfa á rammgerða hurðina ganga í bylgjum inn í herbergið með
hverju höggi og það sem sækir að þeim er af óræðum toga. Gunnar heyrir
líka hvað eftir annað hljóðupptökuna af morði Einars líkt og í kvikmyndinni
Woman in Black (Herbert Wise, 1989), þar sem draugsetrið, Eel Marsh Ho-
use, festist í rásinni einmitt á því andartaki sem hestvagn sekkur í mýrlendi
við húsið með konu og ungan son hennar um borð. Auk þess að vísa til
áfallsins sem mennirnir í Rökkri spóla fastir í gefur endurtekningin í hljóð-
rásinni til kynna fíknhegðun Einars. Hann er fastur á netinu í leit að „læki“
eða samstæðu (e. match), eða öllu heldur dópamíni, auk þess sem Gunnar
spyrðir hringsólið hvað eftir annað saman við áfengisvandamál. Hann segir
Einar lifa í „Instagram-veruleika“ í sömu andrá og hann neitar „að vera ein-
hver barnapía fyrir drykkfelldan skaphund“.113 Hann fær ekki einu sinni frið
í framhaldslífinu því stafræna skýið verður hans vítisvist — því það eltir hann
hvert sem hann fer: „ég kom til að reyna að fá einhverja jarðtengingu. ég er
búinn að vera í lausu lofti síðustu daga. Þessi jökull hann fylgir mér hvert sem
er, hann er svona eins og akkeri“.114 Orðin eru Einars þar sem hann stendur
í Reynisfjöru með Snæfellsjökul í axlarhæð í bakgrunni.115
Ferðalok og ástarfundir
Söguhetjur reimleikahúsanna sleppa sjaldnast út. Elenóra reikar um ein til
eilífðarnóns í Hæðarhúsi Shirley Jackson, þar sem stefið „ferðum lýkur með
fundum elskenda“ (e. „journeys end with lovers meeting“) táknar yfirvofandi
samruna konu og húss – eða hinn óumflýjanlega dauða sem fylgir því að ná
í skottið á ástarviðfanginu; Overlook hótelið ásækir Danny enn í framhalds-
bókinni Dr. Sleep (2013), þrjátíu árum eftir að atburðirnir áttu sér stað í
snævi þöktum fjöllunum og Rolfe fjölskyldan tilheyrir í bráð og lengd Allar-
dyce-setrinu í skáldsögu Roberts Marasco, Burnt Offerings. Í lok Rökkurs
113 Erlingur Óttar Thoroddsen, Rökkur.
114 Sama heimild, [skál. mín]
115 Þess má geta að Bjarni Bjarnason bendir á að bæði í Kristnihaldinu og Drakúla komi
„himnesk fjöll við sögu“. Hann segir: „Snæfellsjökull er margsinnis notaður sem
metafóra fyrir almættið í Kristnihaldinu. Í Karpatafjöllum er snævi þakinn tindur
sem nefnist Isten Szek, eða; Sæti Guðs!“ Bjarni Bjarnason, „Systkinabækurnar
Kristnihald undir Jökli og Drakúla“, Lesbók Morgunblaðsins, 17. janúar 2004, bls. 4–5,
hér bls. 4.