Ritið : tímarit Hugvísindastofnunar - 01.01.2019, Page 190
Auður Ava Ólafsdóttir
Sársauki skáldsögu
Sumarið 2015 var ég komin með hugmynd að og meginlínur fimmtu skáld-
sögu minnar sem skyldi fjalla um þjáningu og sársauka mannsins. Ég ákvað
jafnframt að líkaminn yrði í öndvegi; hold, snerting, húð og þau ör sem
maðurinn ber, sálræn, tilfinningaleg og líkamleg. Ég var sömuleiðis búin
að ákveða titil skáldsögunnar: Ör og að bókin skyldi fjalla um vegferð frá
myrkri til ljóss. Af því að ég var upptekin við vinnu við nýtt íslenskt dans-
verk1, sem frumsýna átti á Reykjavík Dance festival í lok ágúst, ákvað ég að
ég myndi formlega byrja á nýju skáldsögunni 1. september 2015. Frumsýn-
ingardaginn datt ég og brotnaði á hægri öxl. Þar sem ég er rétthent telst það
vera rithöfundaröxlin. Það tók ár að verða jafngóð í öxlinni og meginhluta
skáldsögunnar Ör skrifaði ég á fartölvu með vinstri hendi, liggjandi út af í
sófa. Fyrir gráglettni örlaganna æxlaðist því svo til að skáldsaga um þjáningu
var rituð af höfundi sem upplifði líkamlegan sársauka á eigin skinni lungann
af ritunartímanum.
Aðalpersóna bókar, Jónas Ebeneser, lýsir sjálfum sér sem venjulegum
manni: 49 ára, fráskilinn, gagnkynhneigður, valdalaus, lifir ekki kynlífi, hand-
laginn. (Ör, bls. 33). Hann er nýskilinn við eiginkonu sína þegar sagan hefst
og við skilnaðinn kemst söguhetja að því að hann er ekki blóðfaðir uppkom-
innar einkadóttur sinnar.2 Ein af ástæðunum sem eiginkonan gefur fyrir því
að hafa farið frá honum er að hann tali lítið, sé of þögull en þögnin gegnir
1 Dansverkið Milkywhale var frumsýnt á Reykjavík Dance Festival í lok ágúst 2015.
Danshöfundur og flytjandi var Melkorka Sigríður Magnúsdóttir, höfundur tónlistar
Árni Rúnar Hlöðversson og höfundur texta Auður Ava Ólafsdóttir.
2 ,,Ég hafði aldrei áður kynnst strák sem talaði um þjáningu og dauða á fyrsta
stefnumóti. Þegar þú sagðir, maðurinn deyr, þá fannst mér það eitthvað til að byggja
líf á. Þá ákvað ég að þú ættir Vatnalilju.’’ (Ör, bls. 51).
Ritið
1. tbl. 19. árg. 2019 (187–192)
Þýðing
© 2019 Ritið, tímarit Hug vísinda stofnunar
og höfundur/þýðandi
Útgefandi:
Hugvísinda stofnun Háskóla Íslands,
Sæmundargötu 2, 101 Reykjavík
Birtist á vefnum http://www.ritid.hi.is.
Tengiliður: ritið@hi.is
DOI: 10.33112/ritid.19.1.10
Birt samkvæmt skilmálum
Creative Commons BY (4.0).