Ritið : tímarit Hugvísindastofnunar - 01.01.2019, Blaðsíða 218
Á MIS VIð MÁLöRVun
215
hins vegar að fyrstu árunum eftir að Genie fannst megi skipta í nokkur tíma-
bil. Það fyrsta er fjögur ár, frá júní 1971 til júní 1975. Þá vann Curtiss mark-
visst með Genie og prófaði getu hennar. Þá tók við rúmlega tveggja ára lægð
í rannsóknum og þjálfun og erfitt tímabil í lífi Genie. Hún flutti frá heimili
sínu til nokkurra ára, var um skeið hjá móður sinni en síðan á nokkrum
fósturheimilum þar sem hún upplifði harðræði að nýju. Genie fór aftur á
þessu skeiði, bæði andlega og félagslega, og hætti um skeið að tala. Síðari
hluta ársins 1977 tók við fimm mánaða rannsóknatímabil en eftir það lauk
samskiptum þeirra Curtiss.70
Í samræmi við þetta eru gögn Curtiss að langmestu leyti frá fyrsta tíma-
bilinu, en þau eru gjarna túlkuð og kynnt eins og þau gefi heildarmynd af
lengra skeiði. Þetta skiptir talsverðu máli. Ef litið er á dæmin sem hún til-
tekur frá fyrstu fjórum árunum virðist árangurinn umtalsverður eins og fyrr
var rakið. um leið og þessi sami árangur er sagður vera afrakstur af átta ára
streði virðist hann minni.
Curtiss telur að saga Genie renni stoðum undir tilgátu Lennebergs. Í
bókinni frá 1977 dregur hún þó mörk milli sterkari og veikari útgáfu af
kenningunni og telur að þar sem Genie sé að tileinka sér mál á grundvelli
máláreitis styðji það ekki sterkari útgáfuna, þar sem gert er ráð fyrir algjör-
um endalokum slíkrar hæfni. Máltökuferlið sé hins vegar ekki eðlilegt og
það styðji veikari útgáfuna, en samkvæmt henni er einhver færni enn fyrir
hendi en ekki nægileg til að ná fullum tökum á máli.71 Í síðari skrifum eru
skýrari ályktanir um að þróun máls hjá Genie styðji þann hluta kenningar
Lennebergs sem snýr að aldursmörkunum.72
Eins og um Victor gildir að ekki er ljóst hvort Genie hafði meðfædda
þroskaskerðingu og eins voru uppvaxtarskilyrði hennar óeðlileg um margt
fleira en skort á málörvun. Margir aðrir þættir en markaldur fyrir máltöku
gætu því hafa átt þátt í takmörkum hennar.73 Það er þó sérstaklega athyglis-
70 Peter E. Jones, „Contradictions and unanswered questions in the Genie case“, bls.
262, 277-278.
71 Susan Curtiss, Genie: A Psycholinguistic Study, bls. 208-209.
72 Susan Curtiss, „Dissociations between language and cognition“, bls. 27; Susan
Curtiss, „The development of human cerebral lateralization“, bls. 110-111; Susan
Curtiss, „Abnormal language acquisition and the modularity of language“, bls. 97;
Jacqueline S. Johnson og Elissa L. newport, „Critical Period Effects in Second
Language Learning: The Influence of Maturational State on the Acquisition of
English as a Second Language“, Cognitive Psychology 21/1989, bls. 60–99, hér bls. 62.
73 Jacqueline S. Johnson og Elissa L. newport, „Critical Period Effects in Second
Language Learning“, bls. 62.