Norðurljósið - 01.01.1976, Side 183

NORÐURLJÖSIÐ
183
að Arthur Gook dvaldi á Englandi veturinn 1923 — 1924. Hélt
hann þar uppi að venju kynningarstarfsemi um ísland og ís-
lenzka þjóð. Ritstjóri nokkur bað hann um grein um ísland í
blað sitt og fékk hana. I greininni gat A. G. þess, að ísland
þyrfti flestum löndum fremur að fá „Radiotæki“ til að bæta úr
samgönguleysinu og öðrum erfiðleikum.
Grein þessi vakti miklu meiri athygli en A. G. hafði búizt við.
Ekkja nokkur auðug skrifaði honum og bauðst til að leggja
fram nokkurt fé til þess fyrirtækis, að slík stöð yrði reist hér á
íslandi. Fleiri gjafir bárust, því að margir vildu styðja þessa
viðleitni, að íslendingar fengju útvarp. Ákvað Arthur Gook að
hefjast hana um framgang þessa máls.
Þá var svipast um eftir manni, sm reist gæti slíka stöð. Ungur
maður, F. L. Hogg, sem fyrstur áhugamanna (amatöra) á Bret-
landi hafði smíðað tæki, sem hægt var að tala til Kanada með,
tók að sér að koma stöðinni upp á Akureyri og að sjá um til-
búning hennar áður.
Hugsjón Arthurs Gooks var, að ókeypis viðtökutæki yrðu
sett upp víða um land í samkomuhúsum, svo að fóllc gæti safnazt
þar saman, ef það vildi, og hlýtt á guðsþjónustur hjá honum á
sunnudögum. En daglega átti að flytja fréttir, fyrirlestra, hljóð-
færaslátt og opinberar tilkynningar, ef stjórnin óskaði þess.
Hann sótti síðan um útvarpsleyfi til þáverandi ríkisstjórnar,
sem vildi ekki eiga við að veita honum leyfi, en vísaði málinu til
alþingis. Þingið komst að þeirri niðurstöðu, að stjórnin gæti
veitt leyfið, þar sem A. G. færi ekki fram á neitt sérleyfi.
Síðast í apríl eða fyrst í maí 1925 veitti svo ríkisstjórnin
Arthur Gook leyfisbréf til að reka útvarpsstöð á Akureyri.
„Skilyrði leyfisbréfsins eru mjög sanngjörn,“ segir hann í maí-
júní blaði Nlj. 1925, „og er allt útlit fyrir, að gott samkomulag
haldist við alla, sem hlut eiga að máli.“
Eitt ákvæði var þó í leyfisbréfinu, sem naumast gat talizt
sanngjarnt, að minnsta kosti var það varhugavert að dómi
annars en A. G. Leyfið mátti endurkalla fyrirvaralaust. Var
A. G. bent á þetta, en hann sagði, að það kæmi ekki til nokkurra
mála, að leyfið yrði endurkallað, þegar búið væri að veita það.
Nú var hafizt handa í Bretlandi að útvega allt til stöðvarinnar
og að setja hana saman þar, svo að hún yrði reynd, áður en hún
væri flutt til Islands. Kom þá brátt í Ijós, að hún kostaði meira
fé en við var búizt. Gekk sjóður sá, er kominn var, til þurrðar,
svo að verkið gat ekki haldið áfram, unz meira fé kom í hann.