Búnaðarrit - 01.01.1901, Page 174
172
Guðmundsson, hreppstjóri í Hlíð í Gnúpverjahreppi, hafði
beðið mig að mæla hjá sjcr jarðabætur þær, er hann
hefur gjört og gjöra látið á nefndri ábúðarjörð sinni.
Af sjerstökum ástæðum tók jeg mjer það bessaleyíi og
varð við bón hans.
Frá Hlíð fór jeg suður í Flóa og fram á Eyrar-
bakka. Guðmundur ísleifsson, hrcppstjóri á Stóru-Háeyri,
hafði áður beðið mig að mæla jarðabætur þær, er hann
hefur látið framkvæma á ábúðarjörð sinni, og gjörði jeg
það í þessari ferð. Með því jeg þykist vita, að mörg-
um muni þykja fróðlegt að heyra um framkvæmdir
Guðm., sem er viðurkenndur dugnaðarmaður og fram-
takssamur, þá ætla jeg að leyfa mjer að tilfæra hjer
hið hclzta, er hann hefur gjört.
Jarðabœtur hans eru þessar:
1. Sjógarður fyrir öllu Háeyrarlandi, til að varna
skemmdum af sjáva'ágangi, 823 faðmar á lengd, sam-
kvæmt úttekt frá 22. degi aprílmán. 1887 og 1. degi
marzmán. 1888. Hann er 8 fet á breidd að noðan, 4
fet að ofan og 5 fet á hæð til jafnaðar.
2. Matjurtareitir nýir 2815 □ faðmar að flatarmáli.
3. Girðiugar umhverfis tún og sáðreiti 965 faðmar
á lengd.
4. Túnauki, 12 vallardagsláttur, sem nú er í
ræktun.
5. Skurðir til varnar og vatnsveitinga 4040 faðm-
ar á lengd. 6—9 fet á breidd að ofan og 2 fet á dýpt.
6. Flóðgarðar 260 faðmar á longd, eða 13,650 ten-
ingsfct.
Húsahœtur eru þessar:
Heyhlaða 26 álna löng, 13 álnir á breidd og
1.