Andvari - 01.01.1974, Blaðsíða 24

22
JÓHANN HAFSTEIN
ANDVARI
neska hagsmuni-------en þessi er skoðun allra ráöandi kommúnista ís-
lenzkra."
Bjarni vitnar til þess, hvernig ÞjóSverjar, á árunum milli styrjalda,
1918—1939, og raunar Lenin sjálfur, lýstu hernaðarþýðingu íslands, það
„væri eins og skammhyssa, er miðað væri gegn Bretum og Bandaríkja-
mönnum". Þetta var stutt þeirri hugsun, að herveldi, er hefði yfirráð á
Islandi og væri andstætt Bretum og Bandaríkjamönnum, ætti tiltölulega
auðvelt með að hefta eða hindra samgöngur milli þessara tveggja höfuð-
velda. Auk þess væri hægurinn á að gera beinar lofárásir á bæði þessi
lönd frá Islandi. Bjarni Benediktsson fór ekki dult með þá skoðun sína, að
bæði Bretlandi og Bandaríkjunum væri það lífsnauðsyn að koma í veg
fyrir, að önnur herveldi fengju hér bækistöðvar, hvort heldur áður en
ófriður hæfist eða með skyndiárás, eftir að ófriður hefði brotizt úr. Þeim
Islendingum, sem er það kappsmál, að Bretlandi og Bandaríkjunum verði
komið á kné, er auðvitað Ijós hernaðarþýðing landsins og vilja nota hana
til framdráttar þeim málstað, er þeir trúa á. Af þessum sökum segir Bjarni
Benediktsson í áðurnefndum bæklingi m. a. eftirfarandi:
„Kommúnistar hér á landi leggja þess vegna mikla stund á að búa
svo í haginn, að ísland sé hægt að nota til árása á þessi tvö skaðsemdar-
ríki. Þeir telja það hið mesta og mikilvægasta verkefni sitt að sjá svo um,
að Island liggi sem ónotaður rýtingur, er rekinn verði í bakið á þessurn
tveim heimsveldum.
Sem betur fer eru það áreiðanlega fáir Islendingar, sem vísvitandi
vilja láta nota land sitt á þennan veg. Allur þorri manna hér á landi
óskar þess einlæglega, að landið hefði enga hernaðarþýðingu. En þeir
fá ekki gert við staðreyndunum.
Eins og nú háttar til í heiminum hlýtur Island að blandast inn í
heimsstyrjöld, brjótist hún út, hvort sem íslendingar óska þess eða ekki.
Síðasta styrjöld kvað upp sinn ótvíræða dóm urn það. Allt, sem menn vita
um hugsanlega nýja styrjöld, bendir til þess, að þýðing íslands verði þá
ennþá meiri en hún var síðast.
Þess vegna hljóta allir þjóðhollir Islendingar fyrst og fremst að vinna
af alefli á móti því, að ný styrjöld hrjótist út. En samhliða því verða þeir
að sjá landi og þjóð borgið eftir föngum, ef allar hinar fögru friðarvonir
skyldu að engu verða fyrir ágengni árásarmanna."