Andvari - 01.01.1974, Blaðsíða 168

endimQrk
VAXTARINS
HiS íslenzka þjóSvinafélag gefur nú út ritiS ENDIMÖRK VAXTARINS, en
þaS kom fyrst út í Bandaríkjunum 1972 undir heitinu LIMITS TO GROWTH.
ÞaS hefur síSan veriS þýtt á um 20 tungumál og prentaS í ncer tveimur
milljónum eintaka, enda vakiS hvarvetna mikla athygli og umrœSur.
Boðskapur ritsins er í senn brýnn og vafningalaus:
„Mannkynið fœr ekki œtlað sér þó dul að margfaldast með sívaxandi hraða og
láta efnislegar framfarir sitja í fyrirrúmi án þess að rata í ógöngur á þeirri vegferð."
Þannig farast framkvœmdanefnd Rómarsamtakanna orð í upphafi þessa rits,
en samtökin fólu sumarið 1970 nokkrum vísindamönnum við Tœkniháskólann í
Massachusetts að kanna slíka höfuðþœtti sem fólksfjölda, matvœlaframleiðslu, iðn-
vœðingu, mengun og notkun auðlinda, sem verða ekki endurnýjaðar.
Vísindamennirnir gerðu sér svokallaða heimsímynd, þar sem reynt er að sjá fyrir
hinar alvarlegu afleiðingar, verði þessir þœttir látnir vaxa viðstöðulaust, en jafn-
framt er í ritinu bent á leiðir út úr ógöngunum, sýnt, hversu hverfa megi markvisst
og skipulega af braut óðavaxtar og snúa á leið til allsherjarjafnvœgis.
Það verður að vísu ekki auðvelt, en mannkynið á — að dómi vísindamannanna —
í rauninni ekki annarra kosta völ.
I bókarlok kemst framkvœmdanefnd Rómarsamtakanna svo að orði:
„Síðasta hugsunin, er við viljum hreyfa að þessu sinni, er sú, að maðurinn verður
að grannskoða sjálfan sig — markmið sín og mat á hlutunum — engu síður en þá
veröld, er hann hyggst breyta. Að hvoru tveggja þessu verkefni verður að ganga
af óbilandi eldmóði. Vandinn er ekki einungis sá, hvort manneskjunni verði lífs
auðið til frambúðar, heldur miklu fremur, hvort hún fái lifað af án þess að rata í
vesöld, er geri lífið ekki þess virði að lifa því."
Þorsteinn Vilhjálmsson og Finnbogi Guðmundsson þýddu ritið, en það er
alls 240 blaðsíður. Mikill fjöldi skýringarmynda er í ritinu.
Verð til félagsmanna kr. 1570.00.
Bókaútgáfa Menningarsjóðs og Þjóðvinafélagsins
ANDVARl 1974