Hugur - 01.06.2011, Síða 162

Ert þú á netfangalista FÁH?
Askrifendur Hugar og félagsmenn í Félagi áhugamanna um heimspeki
eru yfir fjögur hundruð talsins. Tilkynningar um fundi og aðra viðburði á
vegum félagsins eru að öðru jöfnu sendar út með tölvupósti. Því er brýnt
að félagsmenn séu (rétt) skráðir á netfangalista félagsins.
Ert þú skráð/ur á netfangalistann? Er skráningin þín rétt? Hafðu sam-
band við formann félagsins, Egil Arnarson, í tölvupósti (egillarn@hi.is)
eða símleiðis (662-1757).
oo<xx>o<>c<xxx><x><x><x><x><x>
Hugur 2012 - kallað eftir efni
Hugur - tímarit um heimspeki lýsir eftir efni í 24. árgang, 2012. Þema Hugar
2012 verður heimspeki nítjándu aldar.
Fá tímabil í sögu mannsandans hafa verið eins frjó og nítjánda öldin.
Allt áhugafólk um heimspeki þekkir til helstu heimspekinga og stefna
aldarinnar. Hún geymir bæði uppgjör við upplýsinguna og rætur samtím-
ans. Þema Hugar mun snúast jafnt um einstaka heimspeldnga, heimspeki-
stefnur og tímabilið í heild sinni. Greinar sem fjalla um lítt rannsakaða
heimspekinga og hugmyndir á nítjándu öld eru sérstaklega velkomnar.
Efni 24. árgangs mun þó ekki afmarkast við þemað. Jafnframt verða
birtar greinar og þýðingar um margvísleg heimspekileg efni. Allar
frumsamdar greinar sem birtast í Hug fara í gegnum nafnlausa ritrýni og
ákvarðanir um birtingu eru teknar á grundvelli hennar. Viðmiðunarlengd
greina er átta þúsund orð að hámarki. Höfundar eru hvattir til að kynna
sér leiðbeiningar um frágang sem má finna á Heimspekivefnum (mappa
undir fyrirsögninni FÁH/Hugur).
Skilafrestur efnis fyrir Hug 2012 er 1. apríl 2012. Efni skal senda til rit-
stjóra, Henrys Alexander Henryssonar, hah@hi.is. Þangað má einnig
senda fyrirspurnir.