Tímarit Máls og menningar - 01.12.1956, Qupperneq 112

TÍMARIT MÁLS OG MENNINGAR
hann óskar sér að gista um nótt á
fjallstindi eins og fugl sem leggur að
sér vængina og blundar, og drekka
svo ljósið með endurnærðum augum
í dagrenningu og varpa sér syngjandi
út í geiminn.
Fleiri eru það sem yrkja í bundnu
máli en þeir sem hér er getið, og
meðal þeirra margir sem mér finnst
ástæða til að búast megi við nýjung-
um af. T. d. hinn uppreisnargjarni
þjóðernissinni Poul F. Joensen og
tízkuskáldið og spakmælahöfundur-
inn Regin Dahl. Gamla gamanvísan
hefur á okkar dögum verið endur-
reist og endurnýjuð af Tróndur 01-
sen. Hans velkveðnu skopvísur eru
oftast borgaralega broddlausar en
hafa sér-færeyska töfra. Tróndur 01-
sen hefur þýtt Nornagest Jóhannesar
V. Jensens snilldarlega á færeysku.
Hvað óbundið mál snertir verður
meðal hinna eldri höfunda að nefna
sérstaklega þrjá brautryðjendur:
Regin í Líð sem í byrjun aldarinnar
skrifaði fyrstu færeysku skáldsöguna
„Bábelstornið“. Sverri Paturson sem
hefur fuglalífslýsingar fyrir aðalyrk-
isefni og H. M. Ejdesgaard sem er
bæði unnandi tungunnar og iðkari
og íhugull maður.
Babelsturninn er ættarsaga sem
lýsir upphafi hins nýja tíma í lok
síðustu aldar og þeim átökum í þjóð-
lífinu sem hann hafði í för með sér.
Skáldsagan er þrungin af beisku og
stundum klúru raunsæi og skugga-
legri næstum níhilískri lífsskoðun.
Þessi skynsamlega og bitra bók hef-
ur bæði galla og kosti frá listrænu
sjónarmiði. Hún ber þess ótvíræð
merki að ungur maður hefur samið
hana og sumstaðar er hún gölluð
vegna löngunar æskunnar til að láta
tilfinningarnar ráða. Höfundur hefur
síðan fengið tækifæri til að bæta
fyrir bölsýni sína, bæði með óþreyt-
andi áhuga í starfi sem gagnfræða-
skólamaður og mörgum fræðibókum
um jurtir Færeyja dýralíf og jarð-
fræði. Kennaralíf hans og nákvæmar
náttúruskoðanir um langa ævi hafa
gert Regin í Líð að fróðum og vís-
um manni.
Sverri Paturson er líka meira en
áhugamaður á sviði fuglafræðinnar,
en honum tekst að gera fuglalífslýs-
ingar sínar skáldlegar svo úr þeim
verða góðar bókmenntir. Umhyggja
hans fyrir þessum vængjuðu vinum
sínum kemur fram í hreinni og fastri
vináttu, sem hvetur ekki einungis
þennan málsvara fuglanna til eld-
heitra varna í blöðum og úr ræðu-
stól, heldur gefur líka fuglalífsmynd-
um hans innileik og líf, svo lesand-
anum finnst þessar fjöðrum klæddu
verur einskonar skyldmenni.
Bæði Regin í Líð og Sverri Patur-
son hafa á yngri árum sínum skrifað
eftirtektarverðar smásögur. Meðal
þeirra skipar „Ábal“ eftir Paturson
sérstakan sess. Hún er innblásin
206