Heilbrigðisskýrslur - 01.12.1954, Side 148

1954
146
ómissandi fyrir héraðsbúa, enda oft-
ast sjúklingar í hverju rúmi. Nokkuð
ber á örðugleikum við útvegun starfs-
fólks.
Seyðisf]. Sjúkrahúsið rekið á sama
hátt og áður. Á efri hœð hússins, þar
sem áður lágu berklasjúklingar, eru
nú aðallega ellisjúklingar, 12—13 tals-
ins. Á neðri hæð eru 5 fjögurra,
tveggja og einsmannsstofur, en oft eru
hafðir þar 14—15 sjúklingar, sérstak-
lega á sumrin, þegar sjúkrahúsið er
meira sótt af erlendum sjómönnum.
Endurbótum hússins er nú lokið, og
er húsið afar vistlegt, þó að þar á
séu ýmsir gallar og mörgu ábótavant,
ef miða á við nýtizkusjúkrahús með
fullkomnum tækjum og útbúnaði.
Nes. Sjúkrahússmíðinni miðaði á-
fram með svipuðum hraða og árið
áður.
Selfoss. Mestu erfiðleikarnir, sem ég
hef rekizt hér á, eru að hafa ekkert
sjúkrahús hér í nágrenninu. Reykja-
víkursjúkrahúsin hjálpa raunar eftir
getu, en bæði er erfitt að ná til þeirra,
ef eitthvað liggur á, enda oft ekkert
plássið til. Litið hefur verið gert til
að bæta úr þessum skorti. Þó er hér
tii smásjóður til sjúkrahúsbyggingar
og spítalabyggingarnefnd til að vinna
að þessum málum. Ég hef nú verið
settur í hana í stað fyrrverandi hér-
aðslæknis, en enn veit ég ekki, hverju
fæst ýtt áfram i þessu efni, og væri
þó full þörf á, að eitthvað færi að
ganga.
Keflavíkur. Sjúkrahús Keflavíkur
var tekið í notkun 18. nóvember 1954,
og má segja, að þar sé stórum áfanga
náð i heilbrigðismálum Keflavíkur-
héraðs. Meira en 10 ár eru liðin, síðan
hornsteinn var lagður að húsinu, svo
að það var sannarlega tímabært, að
lokið yrði við húsið.
B. Sjúkrahjúkrun. Sjúkrasamlög.
Heilsuvernd.
H júkrunarfélög.
1. Hjúkrunarfélagið Líkn í Reykja-
vík gerir svofellda grein fyrir störfum
sínum á árinu:
Árið 1954 hafði Hjúkrunarfélagið
Líkn 6 fastráðnar hjúkrunarkonur í
þjónustu sinni, og 1 hjúkrunarkona
var ráðin i nokkra mánuði í sumar-
orlofum. Hjúkrunarkonurnar störfuðu
3 að berklavörnum og 3 við heimilis-
vitjanir til sjúklinga. Á berklavarnar-
stöðinni voru einnig afgreiðslustúlka
og stúlka við myndatöku í hópskoð-
unum. Aðrar deildir, ungbarnavernd,
eftirlit með barnshafandi konum og
ónæmisaðgerðir, sem áður höfðu ver-
ið starfræktar i sambandi við Líkn,
voru nú fluttar í hina nýju byggingu
Heilsuverndarstöðvar Reykjavikur og
störfuðu undir hennar stjórn. Þó ann-
aðist Líkn um kaupgreiðslur þetta ár
til starfsfólks deildar þeirrar, er sá
um eftirlit með barnshafandi konum.
Meðlimir Hjúkrunarfélagsins eru rúmt
100 manns. Farið var í 6800 sjúkra-
vitjanir. Tekjur félagsins voru kr.
679616,73 og gjöld kr. 783345,83.
2. Hjúkrunarfélag Ólafsvikur. Rek-
ur röntgentæki til gegnlýsinga. Er
tækið i umsjá héraðslæknis. Að öðru
leyti hefur starfsemi félagsins legið
niðri.
3. liauðakrossdeild Akuregrar
(starfsskýrsla fyrir árið marz 1954—
marz 1955).
Deildin annaðist sjúkraflutninga
með bifreið sinni, og voru alls fluttir
257 sjúklingar, 150 innanbæjar og 107
út um sveitir. Ljósastofa rekin eins og
áður yfir vetrarmánuðina. Nutu þar
ljósbaða árið 1954 29 fullorðnir í 474
skipti og 81 barn í 1376 skipti, eða
alls 110 í 1850 skipti. Halli á þessum
rekstri var verulegur, eða kr. 5256,37,
enda voru ljósböðin seld ódýrt, kr.
6,00 fyrir fullorðna og kr. 5,00 fyrir
börn í hvert skipti. Nokkur börn nutu
ókeypis Ijósbaða vegna fátæktar, en
að sjálfsögðu er ekki krafizt greiðslu
af fólki, sem getur ekki borgað sér að
meinalausu. Deildin gekkst fyrir fjár-
söfnun til styrktar Sandhólafólkinu i
Eyjafirði, en þar brann íbúðarhúsið
á annan dag hvítasunnu með ölluni
munum, og þrjú börn brunnu inni.
Nam söfnun þessi kr. 71900,00, en á
vegum Rauðakrossins í Reykjavík
söfnuðust kr. 11210,00, eða samtaís kr.
83110,00. í sjúkraflugvélarsjóð deild-
arinnar hafa alls safnazt kr. 45086,42.
Fékk sjóðurinn margar góðar gjafir,