Heilbrigðisskýrslur - 01.12.1954, Side 206

1954
— 204 —
í vottorði sama aðila, dags. 16. sept-
ember 1953, segir svo:
„Slasaði mætti á ný til skoðunar i
skrifstofu tryggingayfirlæknis 16. sept.
1953. Hann hefur ekki getað unnið
nema létta dútlvinnu fremur en áður
og hefur ekki getað stundað sin fyrri
störf. Kvartanir hans eru allar þær
sömu og fyrr. Skoðun í dag leiðir ekki
neitt nýtt í ljós.
Ástand slasaða má þannig álítast ó-
breytt, frá þvi sem var við örorku-
matið 24. mai 1952, og þess vegna
cnginn grundvöllur fyrir breytingu á
þvi mati.“
í málinu liggur fyrir læknisvottorð
..., héraðslæknis á ...firði, dags. 5.
febrúar 1954, svohljóðandi:
„Hr. málaflutningsmaður Áki
Jakobsson hefur beðið mig að láta
uppi álit mitt um heilsufar Þ. G. B-
sonar, ..., ..., þann tíma sem ég hef
þekkt hann fyrir 29. jan. 1950.
Þar sem þó nokkur ár eru um liðin
og þetta er að miklu leyti eftir minni,
verður að meta ummælin með hlið-
sjón af því. Fer þetta þó vonandi ekki
fjarri sönnu.
Umræddur inaður leitaði mín oft á
þessum árum, ýmist vegna kvefsjúk-
dóma, ýmiss konar gigtar eða þess,
sem ég skýrði neurasthenia.
Sérstaklega var hann mikið gigt-
veikur árið 1947. Leitaði hann þá oft
til mín, ýmist vegna lumbago, ischias
eða gigtar til og frá um skrokkinn.
Auk lyfja fékk hann um tíma með-
ferð þessu viðvíkjandi, diathermi o. fl.
Yfirleitt finnst mér hann hafa verið
heilsuveill.
Lýsti það sér meðal annars í því,
að ég vissi til, að hann varð að taka
sér lengri hvíldir frá vinnu en algengt
var um samstarfsmenn hans og þá lík-
lega heilsunnar vegna.“
Loks segir ... læknir, sérfræðingur
i háls-, nef- og eyrnasjúkdómum,
Reykjavík, í læknisvottorði, dags. 11.
marz 1955, að stefnandi hafi gengið til
sín til lækninga frá 17. mai 1950 til
19. júní s. á. vegna bólgu í nefslímhúð
og nefholum.
í málinu hafa verið lagðar fram
röntgenmyndir af stefnanda.
Málið er lagt fyrir læknaráð
á þá leið,
að beiðzt er umsagnar um,
1) hvort sjúkdómar þeir, er stefn-
andi telur sig haldinn, séu afleiðing
hrakninga þeirra, er hann varð fyrir,
er b/v Vörður frá Patreksfirði fórst
hinn 29. janúar 1950, og verði því
játað,
2) þá hve mikil örorka stefnanda
vegna slyssins sé.
Tillaga réttarmáladeildar um
Ályktun læknaráðs:
1. Læknaráð telur engin gögn liggja
fyrir um það, að stefnandi hafi hlotið
encephalopathia traumatica.
2. Af þeim gögnum, sem liggja fyr-
ir, má sjá, að stefnandi gengur með
sjúklegar breytingar í hryggjarliðum
og kölkun í hálsslagæð (a. verte-
bralis).
3. Leitt er i Ijós, að stefnandi hefur
haft gigt til og frá um líkamann, áður
en hann varð fyrir slysinu (sbr. vott-
orð........héraðslæknis [á ...firði],
en það geymir upplýsingar, sem öðr-
um vottorðsgefendum voru ókunnar,
er þeir rituðu vottorð sín). Er því
sennilegt, að hinar sjúklegu breyting-
ar i hryggjarliðum og kölkunin í a.
vertebralis hafi hvort tveggja verið til
komið, áður en stefnandi varð fyrir
slysinu, enda ekki liklegt, að slíkar
breytingar gerist með svo skjótum
hætti, sem hér hefði þurft að vera, ef
þær ættu rót sína að rekja til slyssins.
Greinargerð og ályktunartillaga rétt-
armáladeildar, dags. 1. febrúar 1956,
staðfest af forseta og ritara 19. s. m-
sem álitsgerð og úrskurður læknaráðs.
Málsúrslit: Með dómi sjó- og verzlunar-
dóms Reykjavíkur, kveðnum upp 13. niaí
1957, var stefndur sýknaður af öllum kröf-
um stefnanda og málskostnaður lótinn falla
niður.
4/1956.
Borgardómari í Reykjavik hefur
með bréfi, dags. 8. marz 1956, sam-
kvæmt úrskurði, kveðnum upp á bæj-