Saga - 2020, Side 126

með því að ráða konur til starfa við lögregluna. Sérstaklega má
benda á að fyrrnefnd grein í Nýju kvennablaði gefur til kynna að van-
traust til barnaverndarkerfisins hafi verið til staðar þar sem greinar-
höfundur eyðir ekki einu sinni orðum í með hvaða hætti það gæti
brugðist við.
Ungmennaeftirlitið
Ungmennaeftirlitið var formlega stofnað hinn 7. apríl 1942 þegar
Jóhanna Knudsen var ráðin til starfa við löggæslu hjá lögreglunni í
Reykjavík. Í skipunarbréfinu var Jóhönnu falið að gegna löggæslu-
störfum í bænum og starfa samkvæmt þeim lögum og reglum sem
giltu um lögreglumenn. Henni var enn fremur falið að hafa eftirlit
með því að farið væri eftir öllum lögum og reglum um eftirlit með
ungmennum og hegðun unglinga. Í bréfinu kemur fram að hún
skyldi starfa í samráði við barnaverndarnefnd Reykjavíkur, það er í
samræmi við orðalag fyrstu greinar laga um eftirlit með ungmenn-
um frá 1942 þar sem kveðið er á um samvinnu barnaverndar nefnd -
ar og lögreglu þegar við á.42
Ungmennaeftirlitið sá um eftirlit með ungmennum fyrir hönd
lögreglunnar í Reykjavík og átti greinilega að vinna í nánu samstarfi
við barnaverndarnefnd Reykjavíkur þegar kom að afskiptum af
ungmennum. Svo fór að eftirlitið starfaði nánast sjálfstætt og tók sér
leyfi til þess að ræða við eða í raun yfirheyra stúlkur án aðkomu
viðkomandi barnaverndarnefndar. Stofnun ungmennaeftirlitsins
var strangt til tekið ekki hluti af lögum um eftirlit með ungmennum
þar sem hvergi er tekið fram í lögunum að lögreglunni sé skylt að
stofna slíkar eftirlitsdeildir. Eftirlitið sem nafn laganna vísar í er ekki
eftirlit af hálfu lögreglu heldur eftirlit barnaverndarnefnda og skóla-
nefnda.43
Þó má ætla að grundvöll fyrir stofnun sérstakrar deildar innan
lögreglunnar hafi verið að finna í fyrstu grein laganna þar sem
kveðið er á um að lögreglan aðstoði barnaverndarnefndir við um -
rætt eftir lit. Einnig má draga þá ályktun að þegar hafi verið búið að
ákveða að lögreglan kæmi með einhverjum hætti að eftirliti með
agnes jónasdóttir124
42 ÞÍ. UE. Ungmennaeftirlitið. B/1.5. Einar Arnalds (fulltrúi lögreglustjóra) til frk.
Jóhönnu Knudsen 7. apríl 1942.
43 Stjórnartíðindi 1942 A, bls. 110–111 (l. nr. 62/1942).
Saga vor 2020.qxp_Saga haust 2004 - NOTA 22.4.2020 14:44 Page 124