Saga - 2020, Blaðsíða 208

Tímaritið Saga
Tímaritið Saga blómstrar sem aldrei fyrr. Vorhefti Sögu fyrir árið
2019 kom út 30. maí og haustheftið 28. nóvember. Efni haustheftis -
ins var kynnt á höfundakvöldi í Gunnarshúsi 20. nóvember. Rit -
stjórar Sögu árið 2019 voru sagn fræðingarnir Vilhelm Vilhelmsson
og Kristín Svava Tómasdóttir. Öll tímabil sögunnar og rannsóknar -
svið eiga rými í tímaritinu Sögu og er það styrkur tímaritsins. Það
hefur verið kröftugt þessi ár, blanda af fræðilegum greinum, við -
horf um, andmælum og ritdómum. Áhersla hefur einnig verið lögð
á að birta bálka um álitamál sem tengjast samtímaumræðu. Þannig
tengjast fortíðin og nútíðin. Með ritstjórum starfar ritnefnd sem í
eiga sæti Davíð Ólafsson, Helgi Skúli Kjartansson, Ragnheiður
Kristjáns dóttir og Sveinn Agnarsson. Að auki er Helgi Þorláksson
nýr í ritnefndinni en hann tók við af Má Jónssyni sem gekk úr rit-
nefnd á árinu. Ritnefndarmönnum eru öllum þökkuð vel unnin
störf á liðnum árum. Á vordögum hafa ritstjórar og framkvæmda-
stjóri félagsins unnið ötullega að stefnumótun fyrir tímaritið og
framtíðarsýn í tengslum við gæði þess, miðlunarmöguleika í opnum
aðgangi og uppbyggingu vefsíðu tímaritsins. Unnið verður áfram
með þetta á næstu mánuðum auk þess sem verið er að uppfæra
viðmið varðandi ritreglur tímaritsins.
Bókaútgáfa
Frá síðasta aðalfundi í apríl 2019 hafa komið út tvær bækur. Fjölsótt
útgáfuhóf og viðburðir voru skipulagðir í tengslum við bækurnar
og ánægjulegt að verða vitni að áhugaverðri umræðu um ný útgefin
rit. Færri bækur komu út á árinu 2019 en síðustu ár. Aðalástæða
þess var að vegna óvissu í rekstrarmálum voru seglin dregin saman
um stund, en útgáfan verður aftur aukin á árinu 2020.
Öræfahjörðin. Saga hreindýra á Íslandi eftir Unni Birnu Karlsdóttur
kom út 22. október að viðstöddu fjölmenni í Forlagsbókabúðinni á
Fiskislóð. Ávörp fluttu höfundurinn og Kristín Svava Tómasdóttir,
ritstjóri. Þá flutti Linus Orri Gunnarsson Cederberg frá Kvæða -
manna félaginu Iðunni Hreindýrsrímu eftir Skáld-Guðnýju við fögn -
uð viðstaddra. Bók Unnar er fyrsta ritið sem fjallar heildstætt um
sögu hreindýra á Íslandi og samband þeirra við landsmenn. Fyrstu
hreindýrin voru flutt til Íslands árið 1771 frá Finnmörku í Noregi og
ársskýrsla stjórnar sögufélags206
Saga vor 2020.qxp_Saga haust 2004 - NOTA 22.4.2020 14:44 Page 206