Saga - 2020, Qupperneq 203

fullan þátt í stjórnarstörfum var tillaga gerð um að allir stjórnar -
menn væru aðalmenn í stjórn. Tillagan var samþykkt einróma og
hljóðar svo eftir breytingu: „Fyrir Sögufélagi ræður sjö manna stjórn
sem kjörin er á aðalfundi. Forseti skal kjörinn sérstaklega til tveggja
ára í senn og má endurkjósa hann fjórum sinnum. Aðrir stjórnar-
menn skulu kjörnir til eins árs í senn og mega þeir eigi sitja lengur
en sex ár samfellt í stjórn. Auk þess skal kjósa tvo skoðunarmenn
reikninga félagsins og einn til vara. Fyrsta stjórnarfund skal halda
svo fljótt sem verða má eftir aðalfund. Skulu þá kjörnir ritari/skjala-
vörður, gjaldkeri og kynningarstjóri úr hópi stjórnarmanna.“
Stefnumótun
Eitt mikilvægasta og áhugaverðasta verkefni stjórnarinnar er að
velja bækur til útgáfu. Fimm ára áætlun er í sífelldri vinnslu og er
unnið út frá því að gefa út bæði stök sagnfræðiverk og að vinna við
útgáfu bóka í ritröðum sem félagið hefur gefið út í gegnum árin.
Verið er að blása nýju lífi í tvær ritraðir sem hafist var handa við
fyrir alllöngu, Safni Sögufélags og Smáritum Sögufélags. Umsjónar -
menn úr stjórn verða með þessum útgáfuflokkum auk þess sem
skipaðir hafa verið ábyrgðarmenn með heimildaútgáfum, umræðu-
og rökræðubókum og stökum rannsóknarritum.
Sérstök vinna fer fram um þessar mundir í tengslum við tíma -
ritið Sögu en tímaritaútgáfa er að mörgu leyti á tímamótum. Síaukin
krafa er um opinn aðgang að fræðitímaritum en einnig þarf að fjár-
magna þau til að svo geti orðið. Ritstjórar ásamt stjórnarmönnum
eru nú að vinna við að kortleggja nýja möguleika til að efla tíma-
ritið, auka að því aðgengi og styrkja það í innlendu og erlendu mats -
kerfi.
Hljóðbækur hafa einnig verið í umræðunni og er á áætlun á nýju
starfsári að gefa út valdar bækur Sögufélags í hljóðbókarformi. Til -
raun var gerð á síðasta ári með að birta eina bók í samstarfi við
Story tel en nú hefur stefnan verið tekin á að sinna þessari útgáfu á
eigin vefsíðu. Byrjað verður á bókum sem eru uppseldar og þær
verða þá opnar á vef félagsins. Hlaðvarp Sögufélags er einnig í undir -
búningi. Með því verður hægt að ná til stærri hóps fólks en þess sem
að öllu jöfnu kaupir bækur félagsins eða er áskrifendur að Sögu.
Stefnt er að því að hefja gerð þátta síðar á þessu ári.
ársskýrsla stjórnar sögufélags 201
Saga vor 2020.qxp_Saga haust 2004 - NOTA 22.4.2020 14:44 Page 201