Saga - 2020, Qupperneq 180

ritstjóra hefði átt að vera lengri er erfitt að segja. Mögulega er þetta gert
meðvitað. Nokkrum rannsóknarspurningum er fleygt fram í inngangi rit-
stjóra en tilgangur bókarinnar er að vera grundvallarrit. Bókinni er því ekki
ætlað að svara eigin spurningum heldur að vera kveikja og grunnur að frek-
ari rannsóknum. Þar er nýrri þekkingu, eða alla vega þekkingu sem hefur
ekki verið á vitorði annarra en nátengdra eða heimamanna, safnað saman.
Við hvern kafla er heimildaskrá. Þær eru misjafnar að gerð en margar þó
mjög góðar og standa fyrir sínu sem góð vísun fyrir fræðimenn sem ætla sér
að nýta bókina. Sérstaklega ítarleg og góð heimildaskrá fylgir kaflanum um
Listasafn Íslands en höfundur hefur viðað að sér heimildum úr ýmsum átt-
um og unnið vel úr þeim.
Safnafræði er tiltölulega ung grein á Íslandi og stutt er síðan byrjað var
að kenna hana hér. Bókin tekur mið af erlendum rannsóknum í safnafræði
sem hafa verið áberandi á síðustu árum og er talað um rannsóknarbylgju í
inngangi bókarinnar. Erlendis hefur komið út fjöldi greina og bækur um
upphaf og þróun listasafna. Hér á landi er vert að minnast á bókina Að búa
sér til pláss. Arkíf um listamannarekin rými sem gefin var út af Nýlistasafninu
2019. Hún tekur saman upplýsingar um listamannarekin rými í Reykjavík
sem heimildir eru til um hjá safninu. Sú bók og Saga listasafna á Íslandi væru
afar góð byrjun fyrir fjölmargar rannsóknir á íslenskri listasögu. Ljóst er að
tími var kominn til að taka saman sögu listasafna hér á landi og því ber að
fagna. Það verður áhugavert að fylgjast með því á næstu árum hvort þessari
útgáfu takist það ætlunarverk sitt að verða grundvöllur undir frekari rann-
sóknir. Undirritaður telur að miklar líkur séu á því, einungis er þörf á broti
af þeim eldmóð sem einkennt hefur safnamenn á Íslandi í gegnum árin.
Sigurður Trausti Traustason
Árni Einarsson, TÍMINN SEFUR. FORNALDARGARÐARNIR MIKLU
Á ÍSLANDI. Mál og menning. Reykjavík 2019. 200 bls. Myndir, kort,
heimildaskrá, atriðisorðaskrá.
Tíminn sefur fjallar um rannsóknir á fornum garðlögum, fyrst og fremst í
Þingeyjarsýslum en einnig í Svarfaðardal og víðar. Árni Einarsson stundar
líffræðirannsóknir við Náttúrurannsóknarstöðina við Mývatn. Hann er
líffræðingur að mennt en heillaðist af garðlögum og öðrum sýnilegum minj-
um í Þingeyjarsýslum og hefur síðan á tíunda áratugnum stundað umfangs-
miklar rannsóknir á því sviði. Þær hefur hann unnið í stórum hópi fræði-
manna og áhugamanna en bókin er að fullu verk Árna. Hún er litprentuð í
stóru broti og textinn er í tvídálki. Fjölmargar litmyndir höfundar eru í bók-
inni. Í lokakafla hennar eru kort af garðlögum í Suður- og Norður-Þing eyjar -
ritdómar178
Saga vor 2020.qxp_Saga haust 2004 - NOTA 22.4.2020 14:44 Page 178