Saga - 2020, Qupperneq 209

var þeim ætlað að verða Íslendingum lífsbjörg á erfiðum tímum.
Fljótlega var farið að veiða þau en undir lok nítjándu aldar var aftur
á móti farið að ljá máls á nauðsyn þess að friða þau og vernda fyrir
útrýmingu. Á tuttugustu öld skiptu stjórnvöld sér í vaxandi mæli af
fjölgun, útbreiðslu og nýtingu hreindýrastofnsins á Íslandi — svo
mjög að sumum þótti sem þau væru ekki lengur sannkölluð börn
öræfanna heldur hreindýrahjörð ríkisins.
Fjórða bindi af heimildaútgáfu Landsnefndarskjalanna, Lands -
nefndin fyrri 1770–1771 IV. Bréf frá háembættismönnum kom út 30.
október í ritstjórn Hrefnu Róbertsdóttur og Jóhönnu Þ. Guðmunds -
dóttur. Útgáfa skjala Landsnefndarinnar er samstarfsverkefni Þjóð -
skjalasafns Íslands, Sögufélags og danska ríkisskjalasafnsins. Þetta
bindi er seinna bindið af tveimur með bréfum embættismanna á
Íslandi. Hér hafa æðstu embættismenn landsins orðið: lögmenn og
varalögmenn, landfógeti, amtmaður og biskuparnir á Hólum og í
Skálholti. Útgáfuviðburður var í Þjóðskjalasafni þar sem þrjú erindi
voru flutt. Jóhanna Þ. Guðmundsdóttir fjallaði um Ísland 1770 í aug-
um háembættismanna, Guðrún Ása Grímsdóttir ræddi um Finn
Jónsson Skálholtsbiskup og Hrefna Róbertsdóttir um Skúla Magnús -
son landfógeta.
Viðburðir
Allmargir viðburðir voru á starfsárinu, bæði á vegum Sögufélags og
í samstarfi við aðra. Sögukvöld var haldið í Gunnarshúsi 30. maí
2019 þar sem flutt voru þrjú erindi. Útgáfuhóf fyrir Öræfahjörðina
voru í tveimur landshlutum, bæði í Reykjavík 22. október og í Bóka -
kaffinu Hlöðum í Fellabæ 2. nóvember. Fjórða bindi Lands nefndar -
innar fyrri kom út með útgáfudagskrá í samvinnu við Þjóð skjalasafn
þar sem þrjú erindi voru flutt. Sögufélag tók þátt í höfundakvölda-
syrpu Rithöfundasambandsins í Gunnarshúsi 20. nóvember þar sem
allar þrjár útgáfubækur ársins voru kynntar auk haustheftis Sögu.
Þann 7. febrúar 2020 tók Sögufélag á móti áhugasömum nemendum
úr Fróða — félagi sagnfræðinema í Gunnars húsi ásamt Sagnfræð -
ingafélagi Íslands og Reykjavíkurakademíunni. Á bókakynningu á
eftir aðalfundi 12. mars 2020 flutti Már Jónsson áhugavert erindi um
Sæmund Hólm og líf hans.
ársskýrsla stjórnar sögufélags 207
Saga vor 2020.qxp_Saga haust 2004 - NOTA 22.4.2020 14:44 Page 207