Ritið : tímarit Hugvísindastofnunar - 01.01.2021, Blaðsíða 200
RÓMANTÍK – SÁLGReINING – KVIKMYND
171
garð. Rank færir fram persónuleikasönnunina sem reyndist Chamisso um
megn. Fyrsta ályktun hinna nýju vísinda sálgreiningarinnar: aðeins þeir rit-
höfundar sem eru þjakaðir af „taugaveiklun og andlegum sjúkdómum“ verða
fyrir ásókn tvífara.3 Önnur ályktun: það sem lesendur á tímum Chamissos
gátu ekki kallað annað en ólíkindi eða fantasíu, svo fremi þeir litu ekki á
frásögnina sem siðferðislegt líkingamál, átti sér bókstaflega stað. Kenning
Freuds um sjálfsástina getur – jafnt meðal lifandi sjúklinga og dauðra rit-
höfunda – greint það gangverk sálarlífsins sem kallar fram „þvílíkan innri
klofning og yfirfærslu“ eins og tvífari Chamissos. einvígið á milli hins fagra,
sanna og góða annars vegar, huglauss og hraðlygins púkans hins vegar, er
raunveruleiki í dulvitundinni. Það mælir, „eins og Freud hefur sýnt fram á,
fjarlægðina á milli ímyndar sjálfsins og þess sem það nær fram í raunveru-
leikanum.“4 Hálfri öld eftir andlát sitt fær Chamisso skriflega staðfestingu
á því hver hann var. Tvífarar eru ekki aðeins ofsjónir sem stafa af ölæði eða
skáldlegt og siðfræðilegt líkingamál, heldur „vofa okkar eigin sjálfs“.
Hér vitna ég (burtséð frá Kittler) í Rank, sem vitnar í e.T.A. Hoffmann,5
sem vitnar í konu að nafni Clara. Þetta þýðir: Ákveðin grundvallaratriði
standa óhögguð í sönnun sálgreiningarinnar á fantasíunni, einmitt vegna
þess að hún flytur skáldskapinn yfir í vísindin – í fyrsta lagi undirstöðu-
hugmyndir Hoffmanns eða bókmenntatímabilsins sem skóp hugarburð
tvífarans, í öðru lagi undirstöðuhugmyndir Clöru eða heimspekinnar sem
lagði til reynslubundna og forskilvitlega tvöföldun mannsins. Goethe og
Fichte, Jean Paul og Hoffmann – sögulegt minni Ranks nær slétta öld aftur
í tímann. Hins vegar spyr hann ekki hvers vegna tvífarar fylla blaðsíðurnar
frá þessum tíma en ekki fyrr. Jafnvel þótt sálgreiningin í heild og þar með
öll sundurgreining á hinni rómantísku fantasíu gangi upp, verða einhverjar
eftirhreytur – nefnilega vísbending textans um að tvífarar hafi birst við skrif-
púltið.6
3 Otto Rank, Der Doppelgänger. Eine psychoanalytische Studie, Vín, 1925, 2. útg., bls.
57–59.
4 Sama rit, bls. 104 o.áfr.
5 Sama rit, bls. 95. Sjá: Friedrich A. Kittler, „„Das Phantom unseres Ichs“ und die
Literaturpsychologie“, Urszenen. Literaturwissenschaft als Diskursanalyse und Diskurs-
kritik, ritstj. Friedrich A. Kittler og Horst Turk, Frankfurt am Main, 1977, bls. 139–
166.
6 Freud hefur þegar ráðið af skarpskyggni í undantekningartilvikið, margfrægan
fund Goethes við sjálfan sig, þegar hann kvaddi Sesenheim og Friederike Brion. Í
„geddugráum“ fatnaðinum, sem tvífarinn klæðist 1771 og Goethe klæðist ekki fyrr
en í næstu heimsókn, árið 1779, má sjá viðhafnarbúning farsæls embættismanns sem