Árbók Háskóla Íslands - 01.02.1997, Blaðsíða 414
412
Árbók Háskóla íslands
leiðslu, sem kölluð var „halapreparöt" í dag-
legu tali, en það voru lyf, sem talin voru nauð-
synleg, en framleidd voru í tiltölulega litlum
lotum og því ekki framleidd hjá lyfjaframleið-
endum, sem íyrst og fremst höfðu hagnað að
leiðarljósi. Undirbúningur slíkrar byggingar
var vel á vegi, þegar Háskólanum bauðst Hagi
til kaups, og voru hugmyndir um nýbyggingu
þá lagðar á hilluna.
Þegar rekstrarerfiðleikar fóru að láta á sér
kræla, meðal annars vegna mjög aukinna
krafna, sem gerðar voru til lyfjaframleiðslu,
sem var auk þess í mjög dýru húsnæði í Aust-
urstræti 16, og einnig vegna óhagstæðrar stað-
setningar lyfjabúðarinnar á jarðhæð Austur-
strætis 16, fórheldurað syrta í álinn. Við þetta
má bæta, að ýmsir voru ekki hrifnir af eignar-
haldi Háskólans á Reykjavíkur Apóteki. Voru
óánægjumenn, þótt einkennilegt megi virðast,
bæði innan og utan veggja Háskóla íslands!
Það kom undirrituðum ekki á óvart, að lyf-
salar teldu sig missa spón úr aski sínum, en
spurning á háskólaráðsfundi um, „hvort nauð-
synlegt væri, að Háskólinn ræki apótek" kom
honum í opna skjöldu. Það var því greinilegt,
að áhugi á rekstri lyljabúðarinnar fór þverr-
andi og fullyrðingum um, að Háskólinn ætti
ekki að vasast í rekstri, sem einkaaðilar gætu
annast, fór fjölgandi.
í maí 1995 var háskólayfirvöldum tilkynnt
að selja ætti húsið Austurstræti 16. Þar sem
hin tvíþætta starfsemi apóteksins var þar til
húsa, var sá kostur talinn skynsamlegur, að
apótekið keypti húsið, og var Byggingarnefnd
Háskólans falið að sjá um lagfæringar á íjór-
um efri hæðum hússins og koma þeim í leigu.
Apótekið fjármagnaði kaupin og breytingarn-
ar með lánum. Þegar hér var komið sögu var
Ijóst, að erfiðleikatímabil, sem krefðist rót-
tækra breytinga í rekstri, væri framundan. Til
dæmis að taka hafði lyfseðlum, sem afgreidd-
ir voru í Iyfjabúðinni, fækkað um 10% milli
aranna 1994 og 1995. Hafði stjórn lyfjabúðar-
innar komist að þeirri niðurstöðu, að undan-
genginni ráðgjöf frá rekstrarfræðingi, að um
einn eða fleiri af eftirtöldum valkostum væri
að ræða, ef ná ætti rekstri lyfjabúðarinnar á
réttan kjöl: að nokkrir af elstu starfsmönnum
lyfjabúðarinnar færu fyrr á eftirlaun, að lyfja-
búðin yrði flutt á annan heppilegri stað, og að
Reykjavíkur Apótek, Austurstræti 16. - Þann
1. september 1982 tók Lyfjabúð Háskólans
við rekstri Reykjavíkur Apóteks, sem er elsta
lyfjabúð landsins, stofnsett 1760, opnuð j
Nesstofu á Seltjarnamesi 1763, en flutt tu
Reykjavíkur 1833. Frá 1930 var Apótekið i
leiguhúsnæði að Austurstræti 16. í maí 1995
keypti Apótekið húsið af erfingjum Þorsteins
Schevings Thorsteinssonar (ljósm. Knstjan
Logason).
gerð yrði hagræðing á lyfjaframleiðslunni-
Með þessar tillögur fór undirritaður í sept'
ember 1996 á fund þáverandi rektors, Svcin
bjarnar Björnssonar, sem að mati undirrita s
brást illu heilli við á þann hátt að biðja stjorn
Lyfjabúðarinnar að hætta störfum. í kjölfarl
var skipuð ný stjórnarnefnd Lyfjabúðarinnar,
sem virðist meðal annars hafa fengið það hlu
verk að hætta rekstri hennar.
Vilhjálmur G. Skúlason-