Skírnir - 01.01.1947, Page 125
Skírnir
Úr Samdrykkjunni
123
inni mætir hann vini sínum og lærisveini, Aristodemosi,
sem hann tekur umsvifalaust með, enda þótt Aristodemos
sé óboðinn. Sókrates virðist vera að velkja einhverju í
huga sér, tekur til að gerast mjög annars hugar og dregst
loks aftur úr, svo að Aristodemos ber að húsi Agaþóns án
hans. Gestgjafinn er hinn vinsamlegasti, þó að Aristo-
demos komi óboðinn, segist mundu hafa boðið honum, ef
hann hefði getað hitt hann daginn áður. Þjónn, sem send-
ur er að leita að Sókratesi, finnur hann fyrir utan hús
eitt í nágrenninu. En ekki tókst þjóninum að raska ró
heimspekingsins. Hreyfir hann sig hvergi, en heldur
áfram íhugunum sínum. Hefst nú veizlan, með því ekki
þykir fært að bíða lengur eftir honum. Loks, er menn hafa
matazt, kemur Sókrates og hlýtur yzta sætið, hjá Aga-
þóni.
Að lokinni máltíð hefði nú samdrykkja átt að hefjast,
ef réttri siðvenju hefði fylgt verið. En flestir boðsgesta
höfðu verið í þakkarfórnarveizlu Agaþóns daginn áður,
og þar hafði mikið verið drukkið. Eryxímakkos gerir því
að tillögu sinni, að boðsmenn skuli leystir undan skyldu-
drykkju og venjuleg skemmtiatriði falli niður, en þess í
stað skuli gestirnir í réttri röð frá vinstri til hægri flytja
lofræður um Eros, ástina. Samkvæmt þessari tillögu átti
Faidros að byrja, því að hann skipaði heiðurssætið, fyrsta
(yzta) sætið til vinstri.
b) Lofræður um Eros.
1. Ræða Faidrosar. Eros er mikill guð, í hávegum hafð-
ur meðal goða og manna: 1) Að sögn þeirra Hesíods og
Parmenídesar er hann elztur goðanna, frömuður í sköp-
un heimsins. 2) Margvíslega blessun hafa mennirnir þeg-
ið af honum, og gætir áhrifa hans bæði í einkalífi og á
ríkisheildina. 3) Hann knýr mennina til ósérplægni og
fórnfýsi, svo sem dæmin sanna, fórnardauði Alkestisar
og hefnd Akkillesar eftir Patróklus.
2. Ræða Pásaníasar. I augum Faidrosar er Eros einn og