Tímarit Máls og menningar - 01.12.1975, Side 88

Tímarit Máls og menningar
fá upptöku — en hvenær? CÓsannindi Björns Jónssonar ráðherra um leyni-
samning Hannesar Hafsteins, sbr. Lögrjettu V. 14, 16. mars 1910.]
Fundarhöld úti á landi
Fundur á Akranesi var haldinn þ. 10. febrúar. Kristján Jónsson þing-
maður Borgfirðinga hafði í samráðum við flokksmenn sína boðað til
fundarins. Þar var samþykkt tillaga um aukaþing með 56 atkvæðum gegn
52. Kjósendur vildu gefa þingmanni traustsyfirlýsingu, en hann baðst und-
an henni.
[Kjósendur í Skilmannahreppi í Borgarfjarðarsýslu sem ekki gátu sótt
fund á Akranesi 10. febr. 1910 krefjast þess að kvatt verði til aukaþings
í brjefi dagsettu 10. mars 1910 og birtu í Lögrjettu 16. mars.]
Loks var stjórnmálafundur haldinn á Akureyri föstudaginn þ. 18. fe-
brúar eptir töluverðan undirbúning af hálfu stjórnarandstæðinga. Var þar
samþykkt með 156 atkvæðum gegn 117 að krefjast aukaþings.
Sama dag var útbýtt hjer í bænum sem fylgiriti með Þjóðólfi ritlingi
eptir hina fráviknu bankastjóra, er nefnist Athugasemdir og andsvör við
skýrslu Landsbankarannsóknarnefndarinnar. Fyrsta kafla hans hefir Krist-
ján Jónsson samið, annan kaflann Tryggvi Gunnarsson með aðstoð og
undir yfirsýn gæslustjóranna og nokkurra annarra manna, en kaflann um
Varasjóð landsbankans og allan síðara hluta ritlingsins munu þeir feðgar
Eiríkur og Eggert Briem hafa samið með aðstoð hinna bankastjóranna.
Sendar hafa verið gjaldkera miðstjórnar nokkrar vantraustsyfirlýsingar
frá kjósendum út um land til ráðherra út af aðförum hans í bankamálinu.
Skal síðar gerð ítarlegar grein fyrir yfirlýsingum þessum.
Föstudaginn 25. var haldinn miðstjórnarfundur hjá Jóni Ólafssyni rit-
stjóra, er var lasinn. Var talað um að miðstjórn styddi eða fengi menn til
að styðja blaðið Norðra með því að fá menn hjer í Reykjavík til að kaupa
10 hluti á 50 kr. í blaðinu. Samþykkt að fela Eggert málaflutningsmanni
Claessen að gangast fyrir því.
Nokkrir miðstjórnarmenn þóttust hafa orðið þess varir, að í Arnessýslu
og í Vesturskaptafellssýslu væri kviknaður töluverður kurr á móti ráð-
herra fyrir aðgerðir hans í bankamálinu. Var búfræðingur Jón Jónasson
sem verið hafði í Brautarholti borinn fyrir því. Var hann nýkominn úr
ferð þaðan að austan. Var samþykkt að gera hann út, ef hann væri fáan-
legur til þess, til þess að fara austur í Arnessýslu og stjaka við Arnesingum
326