Tímarit Máls og menningar - 01.12.1975, Page 91

Ráðherradagar Björns Jónssonar
fundur yrði haldinn í kaupstaðnum það allra fyrsta og sagðist mundu
skora á síra Sigurð á sýslufundi að gangast fyrir fundarhaldi, en ef síra
Sigurður vildi leiða það mál hjá sér, mundi hann sjálfur og útgefendur
Vestra róa að því öllum árum, að fundur yrði haldinn. Margir þar vestra
væri að vísu orðnir fráhverfir stjórninni, en Björnsmenn, einkum Helgi
Sveinsson og sýslumaðurinn Magnús Torfason, ögruðu mönnum með því,
að Heimastjórnarflokkurinn og Hannes Hafstein mundi ná aptur völdun-
um, ef Björn Jónsson yrði að fara frá, og þess vegna væru margir ófúsir
að leggja nokkuð til málanna að svo komnu.
Þá gat Hannes Hafstein þess enn fremur, að Eggert Eiríksson Briem
hefði fyrir skemmstu, er sýslufundur Skagfirðinga var haldinn á Sauðár-
krók, átt langt símasamtal við frænda sinn Olaf Briem og hefði Olafur
lofað því að send brjef nú með Lauru, undirskrifað af honum og öðrum
þingmanni Skagfirðinga, sem hann ætlaðist til, að allir þingmenn, sem
fylgjandi væri aukaþingskröfu skrifuðu undir og skyldi það síðan sent
ráðherra. Efni brjefsins, er Eggert og Hannes höfðu komið sjer saman
um, væri fyrst og fremst að heimta að alþing yrði kvatt til setu sem fyrst
að unnt væri, að það tæki til rannsóknar bankamálið og aðgerðir Björns
Jónssonar ráðherra í bankamálinu. Olafur Briem leyfði að geta þess, að
brjefið væri samið af sjer, en vildi þó ekki að það yrði haft í hámæli.
Kom miðstjórnarmönnum saman um að stilla svo til, að miðstjórnar yrði
sem minnst getið í sambandi við mál þetta, en láta þingmenn sjálfstæðis-
manna og forseta efri deildar hafa mestan veg og vanda af því; svo yrði
og forseti, ef Björn ráðherra vildi ekki sinna brjefinu, að annast um að
senda konungi það í umboði þingmanna. Miðstjórnarmönnum kom og
saman um að beita Eggert Eiríkssyni sem mest fyrir sig bæði gagnvart
Olafi Briem og Skúla Thoroddsen, með því að hann væri þeim allhand-
genginn. Hannes kvað Eggert hafa fullyrt, að Theodóra kona Skúla væri
mjög fylgjandi aukaþingi, en Skúli væri því heldur mótfallinn að svo
stöddu, en á hinn bóginn væri hann fús til að skora á ráðherra með öðrum
þingmönnum að kveðja þingið til setu mánuði fyr en það ætti að koma
saman að rjettu lægi; en miðstjórnarmönnum sýndist að á því mundu þó
vera nokkur vandkvæði, og enda lítt gjörlegt sakir fjárlaganna og annars
undirbúnings undir þingið.
Þá var dáltið tilrætt um franska bankann og afskipti hinnar núverandi
stjórnar af því máli. Sagðist Hannesi Hafstein og Þorsteini Gíslasyni svo
frá, að Birni ráðherra væri það mikið áhugamál, að bankastofnun þessi
329