Skírnir - 01.01.1947, Page 170
168
Björn Sigfússon
Skírnir
Svo lýsir Sigfús dagdraumum sínum í kvæðinu Hug-
raun, sem er um baráttu sólskins og trúar við ótíð, van-
trú og bágindi. Föðurlandsást spratt af aðdáun á Evrópu.
Mótmæli Magnúsar í Rauðaskriðu gegn ólögum kóngs
og kirkju lágu í ætt, og Jón bróðir hans fékk það hlut-
skipti með lögmannsvöldum að standa á fornum rétti eftir
getu, sem landssaga sýnir (P. E. Ó.). Mægðir við ætt Jóns
Arasonar vísa manni einnig á hugsunarþræði, sem liggja
úr biskupsflokknum til þeirra bræðra. En sérstaka grein
má gera fyrir því hér, hve þeir Magnús og Sigfús prestur
líta svipuðum augum á vanheill og viðreisnarþarfir al-
múgans.
Það mun rétt vera, að faðir Sigfúsar hafi búið á Gauts-
stöðum á Svalbarðsströnd (skýring Péturs Zóphoníasson-
ar). Þaðan eru 3 km að Svalbarði, þar sem Magnús ólst
upp og þeir bræður fimm, sem kunnir urðu. Ólafur, bróðir
Sigfúsar, var handgenginn Magnúsi prúða, áður en hann
varð Sauðanessprestur. Milli Magnúsar í Skriðu og Sig-
fúsar á Þóroddsstað voru 7 km réttlínis, og það litla, sem
skjalfest er um skipti þeirra, bendir heldur til góðra
kynna. En svo örgerðir menn virðast þeir báðir og skyldir
að mennt, þótt efnamunur væri mikill, að vinátta hlaut
að skapast með þeim grönnunum, ef ekki var með þeim
óvild. Son átti Sigfús á efri árum og nefndi hann Magnús.
Og sennilega þarf ekki lengi að leita gagnkvæmra áhrifa
í hugsun þeirra og skáldskap. .
Magnús var bráðþroska, en á móttækilegra aldri, þeg-
ar þeir sátu í nábýlinu 1554-64. Sigfús var meðal presta
Jóns Arasonar við bannfæringu Daða í Snóksdal og kem-
ur oft við skjöl í Eyjafirði eða á Hólum 1549-52. En 1554
kom hann fyrst í Kinn, með hóp barna, og sat Þóroddsstað
til dauðadags 1597. Ekkert bendir til, að hann hafi siglt
til náms, en kveðskapurinn sýnir, hve nánar spurnir hann
hefur haft af erlendum borgum. Spurnirnar gat hann haft
úr leiðangri Magnúsar prúða, sem framazt hafði í Þýzka-
landi á fyrstu árum trúarbragðastyrjaldarinnar, en kom
heim og reisti bú sitt í Rauðaskriðu 18 vetra árið 1550.