Tímarit Máls og menningar - 01.05.2012, Blaðsíða 56

A n d r e w S z y m a n s k i
56 TMM 2012 · 2
blóm og áður en við drukkum vín sem var ekki vatn og áður en við átum
grænmetiskebaba sem voru ekki mávar og áður en fuglarnir sungu til þín á
ströndinni að þú værir allra guðdómlegust í kjólnum þínum sem er á litinn
eins og sólin og að ég væri fæddur til að vera hér og halda þessa ræðu sem
er ekki beinlínis blaðlaus því hún er rituð í hjarta mér og taktu við mér svo
ég megi draga gljáandi hring á fingur þér því við munum brosa og ég mun
elska þig og við munum ganga yfir grösug engi og vötn og drekka vín bara
svo ég gæti verið með þér og ég mun syngja til þín og viltu verða eiginkona
mín elsku barista?“
Og baristan sagði: „Já.“
Ég kyssti baristuna og hún kyssti mig og það veitti mér aflausn og það
var fullkomið og við vorum sameinuð og við skrifuðum undir samninginn
sem var reyndar vatn og hlustuðum á prestinn sem var reyndar sólin og
máninn að löggilda hjónaband okkar og við baristan elskuðumst unaðslega
á hjónasænginni okkar sem var reyndar sólríkt engi og himinninn brosti
og dýrin brostu og baristan brosti og ég brosti og við fengum fullnægingu á
sama tíma og svo var ekkert og við stigum í átt að himinhvelfingunni til þess
eins að fara handan þess sem er handan hennar og er líka himinhvelfing til
að búa handan handansins og við berum gljáandi hringa og ég veit að allt
verður fullkomið því ég fann það og ég hugsaði það og baristan mín veit það
og finnur það líka.