Ritið : tímarit Hugvísindastofnunar - 01.10.2018, Side 22

22
ölvaður og frásögn hans óskýr“16 og þótt Bragi væri yfirheyrður hvað eftir
annað um atburðina sem leiddu til dauða konu hans, kom fátt fram í yfir-
heyrslunum sem nota má til þess að bregða ljósi á það sem gerðist um
nóttina:
Framburður ákærða af atburðum á heimili þeirra Grétu var í byrj-
un á þá lund að hann hefði fundið konu sína hangandi í böndum í
svefnherbergisdyrunum þegar hann vaknaði af svefni eftir undan-
farandi drykkju þeirra hjónanna. Í þinghaldi 12. janúar sagði ákærði
Grétu hafa skvett á sig vatni og talað um að kasta sér fram af svöl-
unum og fremja sjálfsmorð.
Hinn 21. janúar skýrði hann aftur á móti frá því í yfirheyrslu hjá
rannsóknarlögreglunni að átök hefðu orðið með þeim um nóttina.
Hefði Gréta heitin ætlað að ráðast á sig, en hann hefði þá slegið
hnénu upp í andlit hennar, og þegar hún hefði risið aftur á fætur og
ætlað að ráðast að sér á ný hefði hann gripið hana og vafið böndun-
um úr dyrahenginu um háls hennar og höfuð og snúið henni þannig
að þau hertust að höfði hennar og hálsi. Í skýrslu tveim dögum síðar
sagðist hann hafa tekið fast með hægri hendi um höku eða háls
Grétu og vafið með hinni hendinni böndunum um höfuð hennar og
háls, en svo sofnað sjálfur. Hefur þessi frásögn ákærða staðið í meg-
inatriðum óbreytt.17
Í næstu lögregluskýrslum leitast Bragi við að skýra verknaðinn sem ein-
hvers konar sjálfsvörn eða viðbrögð við ofbeldi konu sinnar, sem var „stór
og sterk“ og beitti oft „einhverjum áhöldum gegn“ honum.18 Í lögreglu-
skýrslu frá 25. janúar segir hann Grétu hafa „gert sig líklega til að klóra
sig“ og að hún hafi „ráðist að sér“ og þá hafi hann vafið handfylli af bönd-
unum úr dyrahenginu um höfuð konu sinnar og háls, „þangað til böndin
voru búin. Taldi ákærði að hún hefði „verið með einhvern hamagang“
meðan á þessu stóð.“19 Í lögregluskýrslu tveimur dögum síðar segir Bragi
16 Úr dómi Sakadóms Reykjavíkur 13. júní 1988, bls. 637.
17 Sama heimild, bls. 645.
18 Sama heimild, bls. 645.
19 Sama heimild, bls. 645–646. Fréttir af þessum sinnaskiptum Braga rötuðu í fréttir,
sbr. „Klapparstígsmálið: Eiginmaðurinn játar átök“, Morgunblaðið 27. janúar 1988,
bls. 4.
AldA Björk VAldimArsdóttir oG Guðni Elísson