Ritið : tímarit Hugvísindastofnunar - 01.10.2018, Blaðsíða 88

90
Þá sagði í Hæstarétti:
Þegar litið er til þess, sem fram hefur komið í málinu, verður að telja
ótvírætt, að
háttsemi ákærðu hafi haft veruleg áhrif til hins verra á sálarlíf og
geðheilsu stúlkunnar. Við ákvörðun bóta til hennar verður ekki litið
fram hjá því að ákærðu stóðu tveir saman að atlögu gegn kynfrelsi
hennar, sem var til þess fallið að auka enn ótta hennar og vanlíðan
við atburðinn og eftir hann.
Hæstiréttur lítur mjög alvarlegum augum að atlagan að stúlkunni hafi
verið gerð af tveimur strákum og leggur áherslu á sálarlíf brotaþola. Brotið
er talið einstaklega alvarlegt vegna þess að stúlkan þekkti strákana ekkert.
Má draga þá ályktun að í þeim tilfellum þar sem einstaklingar þekkjast
ekkert þyki brotið alvarlegra. Þetta er tekið fram við ákvörðun refsingar í
héraði:
Fyrir liggur að þau þekktust ekki fyrir þann tíma og að ákærðu áttu
ekkert sökótt við stúlkuna. Ber framferði þeirra vott um miskunn­
arleysi og fullkomið virðingarleysi við kynfrelsi hennar. Þeir eiga sér
engar málsbætur.
Það verður að teljast mjög athyglisverður rökstuðningur að mennirnir hafi
ekkert átt sökótt við stúlkuna. Má álykta sem svo að konur sem karlmenn
sem telja sig eiga eitthvað sökótt við eigi frekar á hættu að verða nauðgað,
og að ábyrgðin sé þá að einhverju leyti hjá fórnarlambi? Eiga gerendur sér
einhverjar málsbætur eigi þeir eitthvað sökótt við fórnarlömb sín?
Í Hrd. 2004 bls. 55 (372/2003) var ákært fyrir 194. gr. Ákærði var sak­
aður um að hafa ásamt tveimur ósakhæfum strákum þröngvað brotaþola
með ofbeldi til kynferðismaka. Strákarnir höfðu farið fram á hópkynlíf við
brotaþola en það hafði hún ekki viljað og litið á þetta sem grín. Piltarnir
þrír gerðust þá mjög uppáþrengjandi og báðu hana að fara úr fötunum.
Hún neitaði og sagðist þurfa að fara heim til sín. Hana minnti að ákærði
og þáverandi kærasti hennar hafi fært hana úr buxunum og ákærði svo
haft samræði við hana á meðan þáverandi kærasti hennar hélt höndum
hennar. Hún hafði beðið hann að hætta og grátið stóran hluta tímans.
Ákærði neitaði sök, taldi hana hafa verið viljuga til að fara í „threesome“.
Þórhildur og ÞorgErður