Ritið : tímarit Hugvísindastofnunar - 01.10.2018, Qupperneq 156

160
Hér virðist gerandinn telja kynlífsþarfir sínar mikilvægari en vilja þoland-
ans, en það er algengt viðhorf meðal dæmdra nauðgara.31 Gerendur taka
einnig að sér að hrútskýra fyrir þolandanum óumbreytanlegt eðli karla
sem ekkert sé við að gera:
Hann gekk lengra þrátt fyrir mótmæli mín. Ég sagði nei en hann
þrýsti sér inn í mig, sagði að ég myndi byrja að fýla það eftir smá-
stund. Ég gafst upp og lét mig hafa það. Vildi ekki gefa honum
„blue balls“ eins og hann sagði að gæti gerst ef ég riði honum ekki ...
Hann kenndi mér ýmislegt um karlmenn sem hefur tekið mig mörg
ár að aflæra. Hann kenndi mér að það hvort ég vildi ríða eða ekki
skipti ekki máli. Það væri fyrir öllu að hann fengi það. Hann sagði
mér að allir karlmenn væru svona. Að ég væri bara að gera mikið úr
hlutunum. Þetta væri eðlilegt.
Af síðustu tveimur tilvitnunum má ráða að gerandinn sjái líffræðilegar
þarfir karlmanna sem sérstakar og óstjórnlegar, en einnig að karlar eigi
rétt á líkömum kvenna. Hérna virðist ætlast til þess að þolendur sætti sig
einfaldlega við það að ofbeldi sé eðlilegur hluti af kynlífi, karlar eigi að fá
að sofa hjá, óháð því hvað konum finnist um það. Fáar vandaðar rannsókn-
ir eru til um þetta efni, en til dæmis sýndi ein tilraunarannsókn að þvingað
skírlífi hafði ekki áhrif á líffræðileg viðbrögð karla við kynlífi.32 Greinilegt
er að þolandinn sjálfur hafnar þessum skýringum, en finnst mikilvægt að
segja frá því hvernig gerandinn réttlætir brot sitt. Líffræðileg eðlishyggja
hefur komið sterkt fram í fyrri rannsóknum,33 en hún leiðir til misvísandi
skýringa því með henni er gefið í skyn að gerandinn geti ekki stjórnað
gerðum sínum og því ekki borið ábyrgð á brotinu. Þannig sjáum við að sé
kynhvöt karla óviðráðanleg í eðli sínu þá er erfitt að draga þann til ábyrgð-
ar sem brýtur gegn öðrum kynferðislega.
31 Anthony R. Beech o.fl., „The identification of sexual and violent motivations in
men who assault women: Implication for treatment“, bls. 1642.
32 Michael S. Exton, Tillmann H.C. Krüger, Norbert Bursch, Philip Haake, Wolfram
Knapp, Manfred Schedlowski og Uwe Hartmann, „Endocrine response to mast-
urbation-induced orgasm in healthy men following a 3-week sexual abstinence“,
World Journal of Urology 19: 5/2001: bls. 377–382, þar sem karlar voru látnir forð-
ast kynlíf og sjálfsfróun í 3 vikur og líffræðilegar mælingar fóru fram á meðan
sjálfsfróun átti sér stað. Helstu niðurstöður voru að skírlífið hafði ekki áhrif á
líffræðileg viðbrögð við fullnægingu.
33 Tracy N. Hipp o.fl., „Justifying sexual assault: Anonymous perpetrators speak out
online“, bls. 86.
Rannveig SiguRvinSdóttiR