Norðurljósið - 01.01.1970, Qupperneq 124

124
NORÐURLJÓSIÐ
stund á enskunám. Markmið hennar var kennarastaða í ensku. Þá
þurfti hún að leggja stund á forn-íslenzku vegna skyldleika engil-
saxnesku og norrænu. Hún komst þá í þær hugleiðingar, að dvelja
eitthvað á Islandi og gat fengið að vera við sumarheimilið Astjörn.
Af komu hennar varð þó ekki. Við faðir hennar höfum stundum
skrifazt á. Nú eftir áramótin segir hann í bréfi, að hún sé nú í Rú-
meníu. Fékk hún sex mánaða kennarastöðu við háskóla í Búkarest.
Þau feðgin eru bæði í frjálsum söfnuði í Manchester, og í Búkarest
hefir hún komizt í kynni við frjálsan söfnuð eins og þá, sem eru
svo víða um heim og nefndir Bræðrasöfnuðir. í þessum söfnuði eru
350 manns. 250 aðrir slíkir söfnuðir eru í Rúmeníu, segir hún, og
sumir þeirra eins stórir og söfnuðurinn í Búkarest. Fólkinu í söfn-
uðinum hefir þótt mjög vænt um komu hennar, því að hún getur
frætt fólkið um margt, sem það annars á ekki kost á að vita um, auk
þess sem því finnst trúarstyrkur að hafa hana. Hefir það beðið hana
að vera lengur. En eitthvað mun óvíst um það.
Svo er að sjá, að einhvers konar samkomulag hafi tekizt á milli
stjórnarinnar og frjálsu safnaðanna. Yfirleitt mun það alstaðar vera
yfirlýst stefna þeirra að skipta sér ekkert af stjórnmálum. Þeir
mynda engan félagsskap á milli sín, sem bindi þá saman í kirkju-
deild. Landslög banna, að nokkur megi taka skírn, nema með leyfi
yfirvalda. Segir hún, að sumir hafi orðið að bíða eftir því árum
saman. Hún nefnir ekki ofsóknir á hendur þessu fólki.
Hins vegar er kunnugt af bókum síra Wurmbrandts, að margir
kristnir menn hafa þurft að sæta hörðum ofsóknum. Yfirleitt má
segja, að sá tónn hafi verið í bókum hans, að kristindómurinn væri
óvinur kommúnismans. Þetta þótti lækni í UNGVERJALANDI mjög
röng afstaða. Þar hafa kristnir menn reynt að lifa lögum samkvæmt
sem löghlýðnir borgarar og hafa reynt að halda friði við yfirvöldin
með því að hlýða lögum, en ekki espa þau til andstöðu við sig með
tali um óvináttu af hálfu kristninnar. í bréfi eftir þennan lækni virt-
ist koma fram sú hugsun, að bróðurkærleikans vegna ætti Wurm-
brandt ekki að gera öðrum bræðrum sínum erfiðara fyrir: að lifa
Kristi og reyna að halda friði við alla menn, eins og ritningin býður.
JÚGÓ-SLAVÍ A. Þar hafa kristnir menn langmest frelsi, og dr.
Billy Graham fékk að halda þar opinberar samkomur fyrir tveimur
árum eða svo. En þar sem annars staðar er erfitt að fá biblíur, og
fremur lítið er þar um kristilegar bækur.