Skírnir - 01.09.1998, Blaðsíða 47

SKÍRNIR ÁGRIP AF KRISTNUM HJÓNABANDSSKILNINGI
317
hornauga og er til frásögn af ógiftum rabbína sem þurfti stöðugt
að vera að afsaka það að hann væri ógiftur.24
Sérstaða túlkunar Jesú
Þótt Jesús hafi hafnað hjónaskilnuðum, voru ástæður hans allt
aðrar en Gyðinga almennt. Rabbínar voru mjög mildir gagnvart
karlmönnum þegar kom að skilnaði, og ekki þurftu sakirnar að
vera miklar til að skilja mætti við konu, nægði að hún brenndi við
matinn eða karlinum litist betur á aðra.25 Þegar svo var komið reit
karlinn konu sinni skilnaðarbréf og sendi hana frá sér. Alla jafna
fékk hún heimanmund sinn aftur, sem nægði oft til framfærslu í
ár.26 En eftir skilnaðinn var konan nærri réttindalaus og alfarið
háð góðsemi fjölskyldu sinnar. Staða fráskilinnar konu á heimili
föður síns eða bróður var oft lítt skárri en vinnukonu.
En Jesús gerði sér fulla grein fyrir því að maðurinn er fallin
vera sem lifir í föllnum heimi. I ljósi þessa viðurkenndi hann gildi
þess lagaboðs Móse, sem leyfði skilnað (5M 24.1-4). Skilnaðurinn
var í huga Jesú einnig afleiðing harðúðar hjarta mannsins. Hann
dró samt ekkert úr því að skilnaður samræmdist ekki því fyrir-
heiti sem Guð hefur bundið við hjónabandið. Grundvallarvilji
Guðs til mannsins opinberast í því að Guð skapar manninn í
sinni mynd, sem karl og konu, þau eru tvö saman guðsmynd
mannsins (1M 1.27). Afgerandi var fyrir Jesús að maðurinn var
ekki skapaður til einsemdar heldur kallaður til samfélags við Guð
og náunga sinn. Þetta samfélag var hvergi eins náið eins og í sam-
búð karls og konu.
Hjónabandið og hjónabandsráðgjöf
Jesús tengdi hjónabandið við sköpunarvilja Guðs og vísaði til
aldingarðsins sem þess staðar þar sem það var stofnað. Með þessu
gaf hann skýra mynd af inntaki hjónabandsins. Andspænis hinu
komandi guðsríki benti Jesús á markmið mannlegs lífs, sem er
24 Uta Ranke-Heinemann: Eunucben fiir das Himmelreich. Katboliscbe Kirche
und Sexualitdt, Hoffmann und Campe, Hamburg 1988, 48-49.
25 Gerhard Friedrich: Ehe und Sexualitdt. Riickfragen an das Neue Testament,
Verlag Katholisches Bibelwerk, Stuttgart 1977, 121-25.
26 Luz: Das Evangelium nach Mattbdus, 270. nmgr. 9.