Tímarit Máls og menningar - 01.05.2012, Qupperneq 101

Tv ö l j ó ð
TMM 2012 · 2 101
HERBERGI
mig dreymdi annan draum
mér þótti sólin
tunglið
og ellefu stjörnur lúta mér

enn og aftur
erum við staddir í dauðaherberginu
það er svo miklu notalegra
að tala við framliðna
heldur en lifandi
ég fæ flassbakk
úr öðru herbergi
þar sem eitt sinn bjó strákur
sem seinna varð skyggn
myndir eins og byssuskot
úr afsagaðri loftbyssu
sem við földum
við hitaveitustokkinn
nálægt kaupfélaginu
ég fæ flassbakk eins og
eitthvað hræðilegt hafi gerst
ég leyfi því bara að gerast
og aftur inní dauðaherbergið
ég sé
skilaboð á útskornu

kartoni það er hvítt eins og
andlit stráksins
hann er fölur tólf eða
þrettán ára gamall
í sjálfsmorðshugleiðingum
eins og annað hvert barn
á þessari dauðu dimmu eyju
…
ég var óharðnaður unglingur
stóð í kjallaranum heima
hjá félaga mínum
var að tala við frænda hans
sem var að segja mér
frá einhverju (úr sínu lífi)