Skírnir - 01.09.1998, Side 22

292
DICK RINGLER OG ÁSLAUG SVERRISDÓTTIR SKÍRNIR
í því sem hér fer á eftir verður textinn í KG 31 b IV, eins og Jónas
skrifaði hann fyrst, kallaður al; textinn með breytingunum þrem-
ur verður kallaður a2.
Við getum sett fram eftirfarandi tilgátur (sem eru auðvitað að-
eins ágiskanir) um ástæður Jónasar fyrir breytingunum þremur í
a2:
3. lína þau: Hann hefur sennilega gert upp við sig að í þessari setningu
vildi hann ekki aðeins vísa til báranna heldur einnig vindanna;
takið eftir að í 7. og 8. línu ávarpar hann bæði bárur og vinda og
lýsir því sem þau gera.
5. lína heima rómi: Upprunalegi textinn, sem inniheldur orðasam-
bandið „að heilsa e-m heim“, er nokkuð kyndugur;29 ennfrem-
ur er öllum...orðum ofstuðlun.
ll.lína lágan: Upprunalega orðinu grxnan er ofaukið í ljósi þess að
grœnan kemur fyrir í 13. línu.
Olafur Halldórsson telur að al/a2 séu frá aprílbyrjun 1844
(KJH312): Það myndi gefa til kynna að elsta uppkast kvæðisins
hafi verið sett saman seint í mars eða byrjun apríl. Hins vegar er
víst að snemma í apríl sendi Jónas, sem bjó hjá vini sínum, Japet-
us Steenstrup í Soro, afrit af kvæðinu til Fjölnismanna í Kaup-
mannahöfn. Þetta afrit hefur ekki varðveist; við getum kallað það
hér b.
Hinn 10. apríl, eftir að Brynjólfur Pétursson hafði fengið b í
hendur, skrifaði hann Jónasi eftirfarandi:
Mesta gull er hún „kveðjan þín“, góði minn! En mætti ekki hafa „og“
fyr(ir) „þau“ í „þau flykkjast heim að fögru landi Isa“. Konráði þykir
„engillinn“ ver(a) of kýmilegur, en orðið „söngvari“ líkar okkur ekki, en
kvæðið er - sem sagt - mesta gull. (BPB49)
29 Jónas skrifaði upphaflega: „O, heilsið öllum heim í orðum blíðum,“ og bætti
seinna við „a“ fyrir ofan „m“ í heim og orðinu „rómi“ - dálítið hærra - fyrir
ofan orðin „í orðum“. Ekki er unnt að segja til um það með fullri vissu hvort
þessar tvær breytingar voru gerðar hvor á eftir annarri (þ.e. „heim í orðum“ >
„heima í orðum" > „heima rómi“) eða samtímis (þ.e. „heim í orðum“ >
„heima rómi“). Utgefendur E kjósa fremur fyrri tilgátuna (sjá 4E186).