Fróðskaparrit - 01.01.1956, Page 77

Merking av toski
vestan fyri Suðuroy í 1952.
Eftir Jákup Sverra Joensen.
1. Inngangur.
Longu í 1909 fór Danmarks Fiskeri* og Havundersøgelser
undir at merkja fisk undir Føroyum. Um úrslitini tey fyrstu
árini, 1909—13, hevur Strubberg (1916) gjølliga skrivað fráí
greiðing. Hesi árini vórðu 4100 fiskar merktir, fjøldin smá<
fiskur. Einir 1800 av hesum vórðu merktir í Nólsoyarfirði
og eystan og sunnan fyri Nólsoynna, 600 á Føroya banka
og restin á ymiskum oðrum støðum kring oyggjarnar. Eisini
hevur Strubberg (1933) skrivað um merkingarnar í 1923—27.
í hesum tíðarskeiðinum vórðu einir 2000 fiskar merktir,
onnur helvtin í Nólsoyarfirði og uttanum Nólsoynna. Tað
mesta av hinari helvtini eystan og vestan fyri Sandoynna
og á Norðhavinum. Tær seinastu merkingarnar, 1927—37,
hevur Táning (1940) greitt frá. Um 1200 toskar vórðu
merktir hesi árini. Hetta var stórur gýtandi toskur, flest
allir merktir á Norðhavinum um várið.
Aðalúrslitini av hesum merkingum eru í stuttum hesi:
1. Av 7300 merktum fiskum eru 2400 fiskaðir aftur (34%),
meginparturin fyrsta árið aftaná merkingina. Strubberg
(1933) skrivar, at í Nólsoyarfirði verða eini 50 % av tí
2 ára gamla fiskinum, ið veksur upp har, fiskað á
hvørjum ári. Uttanum Sandoynna og eystan fyri Nóls»