Hlín - 01.01.1967, Qupperneq 14

Alúðarheilsan. - Þakkir
TIL VINA OG VELUNNARA „HLÍNAR
Nú fer að nálgast sá tími, sem „Hlín“ hefur vanalega
lagt leið sína um landið til vina og velunnara.
Og að venju góðra gesta þakkar hún fyrir sig, þakkar
góðar viðtökur, trygð og vináttu.
Þó „Hlín“ sje nú varla nema miðaldra (f. 1917)), þá
liættir hún nú ferðalögum sínum um landið. (Hætti
reyndar sl. haust, samkvæmt upplýsingum Útvarps).
Ritstjórinn (H. B.) er aftur á móti kominn svo til ára
sinna að tími var til að hætta svo umfangsmiklu starfi.
Mjer hefur þótt vænt um „Hlín“.
Það hefur verið ánægjulegt og þakklátt starf að vinna
fyrir hana og við fjelagsmál kvennasamtakanna.
Margir, bæði karlar og konur, reyndust hinir ágætustu
starfsmenn ritsins með erindum og frjettaflutningi, og þá
ekki síður við útbreiðslu ritsins.
Þessar þakkir vil jeg nú biðja háttvirt „Heima er best“
og „Húsfreyjuna" að færa ykkur, hinum mörgu vinum
um land allt, og bið ykkur um leið allrar blessunar.
En til þess að leggja ekki alveg árar í bát við ritstörfin,
þó hætt væri útgáfustarfsemi „Hlínar“, varð það að ráði,
að stofna til eins konar framhalds af þeirri hugsjón, sem
vakti fyrir „Hlín“ frá byrjun: Endurreisn íslenska heim-
ilisiðnaðarins.
Jeg hef því þessi árin unnið að bók um Vefnaðinn á
íslenskum heimilum á öldinni sem leið og nokkuð fram
á 20. öldina.
Jeg hef von um að þessi bók komi út á næstu árum.
Gefst þá vinum og velunnurum „Hlínar“ kostur á að
kynnast ýmsu viðvíkjandi íslenska heimilisiðnaðinum
með myndum og sögusögnum af öllu landinu.