Hlín - 01.01.1967, Page 51
Hlin
49
þær. — En það var starfað meðan stætt var, ekki slegið
slöku við.
Báðar voru þær Grafarholtssystur kennarar af lífi og
sál: Solveig kendi hannyrðir í Kennaraskóla Reykjavíkur
í 22 ár (1918—40), og Guðrún kendi börnum, bæði heima
í sveit sinni og í Barnaskóla Reykjavíkur, hafði einnig
smábarnaskóla mörg ár í Reykjavík.
Þegar þær Grafarholtssystur komu fram á sjónarsviðið,
var Ungmennafjelagsskapurinn að ryðja sjer til rúms í
landinu, fór sigurför um landið. í þeirri sigurför lentu
þær systur og störfuðu þar árum saman með brennandi
áhuga og gegndu mörgum trúnaðarstörfum.
Ungmennafjelagið „Afturelding“ í Mosfellssveit var
eitt af þeim fyrstu sem stofnað var (1909). — Guðrún var
fyrsti formaðurinn og stofnandi. — í þeim fjelagsskap
vann hún þrekvirki. — Solveig var formaður 1912—15. —
Þær systur voru óþreytandi að rjetta hjálparhönd, skrif-
uðu t. d. mikið í blaðið árum saman, svo eitthvað sje
nefnt.
Eftir nokkra leit hjá ættingjum og vinum, sem góðfús-
lega gáfu mjer upplýsingar um æfiferil þeirra systra,
ræðst jeg loks í það vandaverk að minnast þeirra merku
systra hjer í „Eftirhreytum“ „Hlínar“. — Upplýsingar
voru líka kærkomnar í hinu ágæta Afmælisriti „Aftur-
eldingar" í Mosfellssveit og í Kennaratalinu, þeirri
merku bók.
Jeg hef alla æfi skoðað Mosfellssveit og Kjós í furðu-
1 jósi: Svo nærri hávaða og umróti Höfuðstaðarins hafa
þessar sveitir viðhaldið sínum íslenska svip og fram-
kvæmdum. — Þær hafa verið svo lánssamar að eiga mörg
fyrirmyndarheimili, hafa stofnað og starfrækt ágæt fje-
lög: „Afturelding“ í Mosfellssveit og „Drengur" í Kjós. —
Hafa einnig árum saman átt ágæta presta, sem báru liita
og þunga dagsins með sóknarbörnum sínum og báru hag
sveitarinnar fyrir brjósti.
Jeg gef þeim nú orðið, sem skrifað hafa um þær systur:
4